މެލޭޝިއާގެ ގައުމީ ފުޓުބޯޅަ ޓީމުގެ ދެ ކުޅުންތެރިންނަށް ކާކުން ނޭންގޭ ބަޔަކު ހަމަލަ ދީ ޒަޚަމްކޮށްލައިފިއެވެ.
އޭޝިއަން ފުޓްބޯޅައާއި ބެހޭ އިދާރާއިން ރިޕޯޓުކުރާ ގޮތުގައި ހަމަލަދީފައިވަނީ މެލޭޝިއާ ލީގުގެ ސްލެންގޯ އެފްސީ އަށް ކުޅެމުން އަންނަ އެ ކުލަބުގެ ސްޓާ ޕްލޭޔަރަ ފައިސަލް ހަލީމް އަށާއި ޓެރެންގަނު އެފްސީގެ ވިންގާ އަޚްޔަރު ރާޝިދުއަށެވެ.
ރިޕޯޓުކޮށްފައި ވާގޮތުން މި ދެ ކުޅުންތެރިންނަށް ހަމަދީފައިވަނީ މެލޭޝިއަން ލީގުގައި ކުޅުނު މެޗެއްގެ ތެރެއިން ހިނގި ހަމަނުޖެހުމަކާއި ގުޅިގެންނެވެ.
މެލޭޝިއާ ގައުމީޓީމުގައި ވެސް މުހިންމު ދައުރެއް އަދާކުރާ ފައިސަލް ހަލީމް އަށާއި އަޚްޔަރު ރާޝިދުއަށް ހަމަލަދީފައިވަނީ އެސިޑު ބޭނުންކޮށްގެންނެވެ. މި ދެކުޅުންތެރިންނަށް އެސިޑުން ހަމަލދިނުމަށް ފަހު ތަޅާ އަނިޔާކޮށްފައިވާ ކަމަށް ވެސް ވަނީ ރިޕޯޓުކޮށްފައެވެ. މި ހަމަލާއާއި ގުޅިގެން ދެ ކުޅުންތެރިންނަށް ވެސް ބޮޑެތި ޒަޚަމްތަކެއް ވަނީ ލިބިފައިއެވެ.
މި މައްސަލަ މިހާރު މެލޭޝިއާ ޕޮލިހުން ދަނީ ތަހުގީގުކުރަމުންނެވެ.
