ކުޑަކުދިންގެ ޕާކެއް ނެތް ކޮންމެ ރަށެއްގައި ޕާކެއް ޤާއިމްކުރުމަށް 32 ރަށެއްގައި ކުޑަކުދިންގެ ޕާކް ގާއިމުކުރުމަށް މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްއިން، ހައުސިންގ ޑިވޮލޮޕްމެންޓް ކޯޕަރޭޝަން (އެޗްޑީސީ) އާ ހަވާލުކޮށްފިއެވެ.
މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެވަޑައިގެންފައިވާ ވަޢުދުފުޅާ އެއްގޮތަށް ކުރިޔަށް ގެންދާ މަޝްރޫއުތަކެކެވެ.
އެ މިނިސްޓްރީގެ ރަށްވެހި މާލަމުގައި އިއްޔެ ބޭއްވި ރަސްމިއްޔާތެއްގައި، ޕާކުތަކުގެ މަޝްރޫޢުގެ މަސައްކަތުގެ އެއްބަސްވުމުގައި މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްގެ ފަރާތުން ސޮއިކުރެއްވީ ފައިނޭންޝަލް އެގްޒެކެޓިވް މުޙައްމަދު ސަރާޙެވެ. އެ.ޗް.ޑީސީގެ ފަރާތުން ސޮއިކުރެއްވީ އެޗްޑީސީގެ މެނޭޖިން ޑިރެކްޓަރ ބްރިގޭޑިއާ ޖެނެރަލް (ރޓޑ) ޢަލީ ޒުހައިރުއެވެ.
ކުޑަކުދިންގެ ޕާކު ގާއިމުކުރުމަށް އެޗްޑީސީއާ ހަވާލުކުރެވުނު ރަށްތައް:
- ހއ. މޮޅަދޫ
- ހއ. ފިއްލަދޫ
- ރ. ހުޅުދުއްފާރު
- ރ. މާކުރަތު
- ރ. ކިނޮޅަސް
- ރ. އިންނަމާދޫ
- ރ. އިނގުރައިދޫ
- ރ. ފައިނު
- ހދ. ހަނިމާދޫ
- ވ. ފުލިދޫ
- ވ. ކެޔޮދޫ
- ދ. މީދޫ
- ތ. ވޭމަންޑޫ
- ތ. ތިމަރަފުށި
- ތ. ގުރައިދޫ
- ލ. މާބައިދޫ
- ލ. ދަނބިދޫ
- ލ. މުންޑޫ
- ގއ. ވިލިނގިލ
- ގއ. ކަނޑުހުޅުދޫ
- ގދ. ގައްދޫ
- ސ. ހުޅުދޫ
- ސ. ހިތަދޫ 1
- ސ. ހިތަދޫ 2
- ސ. މަރަދޫފޭދޫ
- ސ. ފޭދޫ
- ނ. ޅޮހި
- ހދ. ނޮޅިވަރަމް
- ށ. ކަނޑިތީމު
- ށ. މިލަންދޫ
- ބ. ފެހެންދޫ
- ބ. ކުޑަރިކިލު އެވެ.
މީގެ ތެރެއިން ސ. ހިތަދޫގައި 2 ޕާކު ތަރައްޤީކުރާން ނިންމާފައިވާއިރު، އެ ޕާކުތަކާއެކު 46 ޕާކެއްގެ މަސައްކަތް ސްޓޭޓް އޯންޑް އެންޓަޕްރައިޒަސް (އެސްއޯއީ) ތަކާއި ވަނީ ހަވާކޮށްފައެވެ. އެގޮތުން ސްޓޭޓް ޓްރޭޑިންގ އޯގަނައިޒޭޝަން (އެސ.ްޓީ.އޯ) ގެ ސީއެސްއާރު ޕްރޮޖެކްޓުގެ ދަށުން 2 ޕާކު، ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) 2 ޕާކު އަދި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ ޕލކ. (އެ.މް.ޓީ.ސީ.ސީ) އިން 4 ޕާކުގެ އިތުރުން ފެނަކަ ކޯޕަރޭޝަން ލިމިޓެޑް އިން 6 ޕާކެއް ހެދުން ހިމެނެއެވެ. ބައެއް ރަށްރަށަށް ބޭނުންވަނީ ހަމައެކަނި ޕާކް ސެޓްތަކެވެ.
