ބޮޑުތަކުރުފާނުމަގުގެ އުތުރު ސަރަހައްދު އެމްޓީސީސީން ތަރައްގީކުރަމުންދާއިރު، ބާޒާރުމަތި ސަރަހައްދުގެ މަސައްކަތް ކުރަމުންދާތީ، އެ ސަރަހައްދުގައި އަޅާފައިހުރި އުޅަނދުތައް ނެގުމަށް މޯލްޑިވްސް ޕޯޓް ލިމިޓެޑް (އެމްޕީއެލް) އިން އަންގައިފިއެވެ.
ޑިސެމްބަރު 8 އިން ފެށިގެން ތިން މަސްދުވަހުގެ މުއްދަތަށް ކުރިއަށްގެންދިއުމަށް ހަމަޖެހިފައިވާތީ، ބާޒާރުމަތީ ސަރަހައްދުގައި ހުރި ކަނޑު އުޅަނދުތައް ނަގަން މިވަނީ އަންގާފައެވެ.
މާލޭ ނޯތުހާބަރު ސަރަހައްދުގެ މަސައްކަތް ޑިސެމްބަރު 20 ގައި ފެށުމަށް ހަމަޖެހިފައިވާއިރު، މި މަސައްކަތް ކުރިއަށްގެންދަނީ ތިން ސެގްމެންޓަކަށް ބަހާލައިގެންނެވެ. ފުރަތަމަ ސެގްމެންޓުގެ ދަށުން މަސައްކަތް ކުރާނީ ނޯތުހާބަރުގެ އިރުމަތީ ކޮޅުން ފެށިގެން ހުޅަނގަށް 100 މީޓަރުގެ ސަރަހައްދުގައެވެ. މަސައްކަތް ކުރާ ސަރަހައްދުގައި ހުންނަ އުޅަނދުތައް ނަގަންޖެހޭ ސަރަހައްދު އަންގައި ދިނުމުގެ ގޮތުން، ވާޓާރުގައި (އެއްގަމު ތޮށި) މާކް ޖެހިފައިވާނެ ކަމަށްވެސް އެމްޕީއެލް އިން ވިދާޅުވިއެވެ.
މަސައްކަތް ކުރާ ސަރަހައްދުގައި ހުންނަ އުޅަނދުތައް ނަގަންޖެހޭ ތަންތަން ވާޓަރުގައި މާކްކޮށްފައި ހުންނާނެ ކަމަށް އެމްޕީއެލް އިން ބުނެއެވެ. އެގޮތުން، މިހާރު އެ ސަރަހައްދުގައި ހުރި އުޅަނދުތައް ޑިސެމްބަރު 19 ވަނަ ދުވަހުގެ މެންދަމު 00:00 ގެ ކުރިން ނެގުމަށް އެމްޕީއެލް އިން ވަނީ އަންގާފައެވެ.
