ބޭންކް އޮފް މޯލްޑިވެސް (ބީ.އެމް.އެލް)ގެ މޮބައިލް ބޭންކިންގ އެޕަށް އިތުރު ބަދަލުތަކެއް ގެނެސް ގިނަ ފީޗާރސްތަކާއެކު ތައާރަފްކޮށްފިއެވެ.
އެގޮތުން ބަލާލާއިރު ބީ.އެމް.އެލް މޯބައިލް ބޭންކިންގ އެޕަށް ގެނެވުނު ބަދަލުތަކުގެ ތެރޭގައި ކުއިކް ޕޭ، ކޮންޓެކްޓެއްގެ ގޮތުގައި ނުހިމަނައި ފައިސާ ޓްރާންސްފަރ ކުރެވުމާއި، ފައިސާ ޓްރާންސްފަރކުރުމުގެ ކުރިންނާއި ކޮންޓެކްޓެއްގެ ގޮތުގައި ހިމެނުމުގެ ކުރިން އެކައުންޓްގެ ވެރިފަރާތް ޔަގީންކުރެވޭނެއެވެ.
މީގެ އިތުރުން ކުރިންކޮށްފައިވާ މުއާމަލާތްތަކުގެ ރަސީދު ލިބުމާއި، ޕަރސަނަލް، ޖޮއިންޓް ނުވަތަ ބިޒްނަސް އެކައުންޓްވެސް އެޕް މެދުވެރިކޮށް ބޭނުންކުރެވޭނެއެވެ.
ބޭންކިންގ ޚިދުމަތްތަކަށް އެދި ހުށަހެޅުމާއި ކާޑު މެނޭޖްކުރުމުގެ އިތުރުން މައުލޫމާތު އަޕްޓޭޑް ކުރުން ބޭންކަށް މެސެޖް ފޮނުވުމާއި ބޭންކުން ޖަވާބު ފޮނުވުމުން ނޮޓިފިކޭޝަން ލިބުން ހިމެނެއެވެ. މިގެނެވުނު ބަދަލުތަކުގެ އިތުރުން މީގެކުރިން މޯބައިލް ބޭންކިންގ އެޕުން ކަސްޓަމަރުންނަށް ލިބެމުން ދިޔަ ޚިދުމަތްތައް މެދުކެޑުމެއްނެތި ލިބެމުންދާނެއެވެ.
ިބަދަލުތަކަކީ ކަސްޓަމަރުންނަށް ރަނގަޅު ޚިދުމަތެއް ފޯރުކޮށްދިނުމަށް ޓެކްނޮލޮޖީއަށް ކުރަމުންދާ އިންވެސްޓްމަންޓްގެ ދަށުން ހާސިލްކުރެވުނު މުހިންމު ލަނޑުދަނޑިއެއް ކަމަށް ބީ.އެމް.އެލްގެ ސީއީއޯ އަދި މެނޭޖިންގ ޑިރެކްޓަރ ޓިމް ސޯޔަރ ވިދާޅުވިއެވެ.
އެޕް ސްޓޯރ އާއި ގޫގުލް ޕްލޭއިން ބީއެމްއެލް މޯބައިލް ބޭންކިންގ އެޕް ޑައުންލޯޑްކުރެވޭނެއެވެ. އަދި މިހާރު ބޭނުންކުރަމުންދާ އެޕް އަޕްޑޭޓް ކުރުމުންވެސް މިބަދަލުތައް ފެނިގެންދާނެއެވެ.
