ކްރިމިނަލް ކޯޓުގެ ޤާޒީއަކަށް ނުވަ ފަރާތެއް ކުރިމަތިލާފައިވާކަމަށް ޖުޑީޝަލް ސާވިސް ކޮމިޝަން (ޖޭއެސްސީ)އިން ވިދާޅުވެއްޖެއެވެ.
ކްރިމިނަލް ކޯޓަށް ދެޤާޒިން ހޯދަން މިމަހު 7 ވަނަ ދުވަހު ކުރި އިއުލާނާއި ގުޅިގެން އެމަޤާމަށް 9 ބޭފުޅަކު މިވަނީ ކުރިމަތިލާފައެވެ. އިއުލާނުގައި ބުނެފައިވާ ގޮތުން މިހާރު ސުޕީރިއާ ކޯޓުތަކުގެ ފަނޑިޔާރު ކަމުގައި ތިއްބެވި ފަރާތްތަކަށްވެސް ފުރުސަތު އޮންނާނެއެވެ.
ޖޭއެސްސީން ވިދާޅުވި ގޮތުގައި މިމަޤާމަށް ކުރިމަތިލެއްވި ބޭފުޅުންގެ ތެރޭގައި މިހާރު ސްޕްރީމް ކޯޓުގައި މަސައްކަތް ކުރައްވާ ފަނޑިޔާރުންވެސް ހިމެނި ވަޑައިގަންނަވައެވެ.
އިއުލާނުގައި ވާ ގޮތުން ކްރިމިނަލް ކޯޓުގެ ޤާޒީގެ މުސާރައަކީ 30000 ރުފިޔާ އަދި ލިވިން އެލަވެންސްގެ ގޮތުގައި، 15000 ރުފިޔާ އާއި ރިސްކް އެލަވެންސްގެ ގޮތުގައި 3300 ރުފިޔާ ލިބޭނެއެވެ.
