ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އަނބިކަނބަލުން ފަޒްނާ އަޙްމަދު، ޔުނައިޓެޑް އެރެބް އެމިރޭޓްސް (ޔޫ.އޭ.އީ)ގެ ދުބާއީއަށް ކުރެއްވި ނުރަސްމީ ދަތުރުފުޅު ނިންމަވާލެއްވުމަށްފަހު އެނބުރި މާލެ ވަޑައިގެންފިއެވެ.
ރައީސްގެ ދެކަނބަލުންގެ މި ދަތުރުފުޅަކީ ކޮއްކޯފުޅު، އަހްމަދު މުހައްމަދު ޞާލިޙްގެ ޖަނާޒާގައި ބައިވެރިވުމަށް ދުބާއީ އަށް ކުރެއްވި ދަތުރުފުޅެކެވެ.
ރައީސް ޞާލިޙްގެ ކޮއްކޯފުޅު އަޙްމަދު ޞާލިޙްގެ ޖަނާޒާ އަށް ރައީސްގެ ދެކަނބަލުން ދުބާއީ އަށް ފުރާވަަޑައިގަތީ މި މަހުގެ 21 ވަނަ ދުވަހު އެވެ.
ރައީސްގެ ކޮއްކޯފުޅު އަޙްމަދު މުޙައްމަދު ޞާލިޙް އަވަހާރަވީ މިދިޔަ ހޯމަ ދުވަހު އެވެ. ރައީސް ސޯލިހުގެ ކޮއްކޯފުޅު އަހުމަދު އަވަހާރަވީ ކެންސަރު ބައްޔަށް ފަރުވާ ހޯއްދަވަމުން ދަނިކޮށް ދުބާއީގަ އެވެ.
