”މުޝީ“ ބްރޭންޑްގެ ސިލިކޯން ސަކްޝަން ޕްލޭޓާއި ސިލިކޯން ސްނެކް ކަޕު ބޭނުން ނުކުރުމަށް މޯލްޑިވްސް ފުޑް އެންޑް ޑްރަގް އޮތޯރިޓީން އަންގައިފިއެވެ.
އެމް.އެފް.ޑީ.އޭ އިން ވިދާޅުވި ގޮތުގައި ކުޑަކުދިންނަށް ކާތަކެތި އެޅުމަށް ހާއްސަކުރެވިފައިވާ ”މުޝީ“ ބްރޭންޑުގެ ތަށި ބޭނުންކުރުމުން ކާބޯތަކެއްޗަށް ނޭދެވޭ އަސަރުކުރުމުގެ ފުރުސަތު އޮތް ކަމަށް ބެލެވޭ ކަމަށާއި އެ އުފެއްދުމުގެ ސަބަބުން ކާބޯތަކެތީގެ ރައްކާތެރިކަމަށް ގެއްލުންވާނެ މިންވަރު ބެލުމުގެ މަސައްކަތް ކުރަމުން އަންނަކަމަށެވެ.
މި ބްރޭންޑްގެ ސިލިކޯން ސަކްޝަން ތައްޓާއި ކަޕްސް ރާއްޖެ އަށް އެތެރެކޮށްފައިވާ ކަމުގެ މައުލޫމާތު ޔޫރަޕުގެ ރެޕިޑް އެލާޓް ސިސްޓަމް ފޯ ފުޑް އެންޑް ފީޑުން އަންގާފައިވާތީ އޭގެ ތަށި ބޭނުންކުރުމުން ލިބިދާނެ ގެއްލުން ބެލުމަށްޓަކައި އެމް.އެފް.ޑީ.އޭ އިން ދަނީ މަސައްކަތް ކުރަމުންނެވެ.
އެހެންކަމުން މޯލްޑިވްސް ފުޑް އެންޑް ޑްރަގް އޮތޯރިޓީން ވަކިގޮތެއް ނިންމަންދެން އެބްރޭންޑުގެ ތަށި ނުވިއްކުމަށް އަދި އާންމު ރައްޔިތުން އެބްރޭންޑްގެ ތަށި ބޭނުންނުކުރުމަށް ވަނީ އަންގާފައެވެ.
