މޯލްޑިވްސް ކަސްޓަމްސް ސާރވިސްގެ އުތުރުގެ ސަރަހައްދީ މައި އޮފީސް ކުޅުދުއްފުށި ސިޓީގައި ރަސްމީކޮށް ހުޅުވައިފި އެވެ.
އިއްޔެ ހަވީރުގެ ވަގުތެއްގައި ރަސްމީކޮށް ހުޅުވި ނަމަވެސް ހަތަރު ފަންގިފިލާގެ މިއިމާރާތުގެ މަސައްކަތް ނިމި ބޭނުން ކުރަމުން އަންނަތާ މިހާރުވަނީ ދުވަސްކޮޅެއްވެފަ އެވެ. ރަސްމީކޮން އިމާރާތް ހުޅުވުން ލަސްކުރެވިފައި ވަނީ ކޮވިޑް-19 ގެ ސަބަބުންނެވެ. މިއިމާރާތުގައި އޮފީހަކާއި އެކޮމަޑޭޝަން އާއި ޓްރެއިނިން ސެންޓަރެއްވެސް ހިމެނިފައި ވެއެވެ. މީގެ އިތުރުން އެންފޯސްމެންޓްގެ ދާއިރާއިން އުރުތުގައި ހިންގާ ޓްރެއިނިންތައްވެސް ހިންގުމަށް ހަމަޖެހިފައިވަނީ މިސެންޓަރުގަ އެވެ.
މިއިމާރާތް ނިންމުމަށް 13.4 މިލިއަން ރުފިޔާ ހަރަދުކޮށްފައިވެއެވެ.
ރާއްޖޭގެ އެންމެ އުތުރުގައި ކަސްޓަމްސްގެ ހިދުމަތް ފައްޓަވާފައިވަނީ މީގެ 24 އަހަރު ކުރިން 1997 ވަނަ އަހަރު ހއ.އުލިގަމުގަ އެވެ. ސަރަހައްދީ ބަނދަރެއް ކުޅުދުއްފުށީގައި ގާއިމް ކުރެވި ކަސްޓަމްގެ ޚިދުމަތް ފަށާފައިވަނީ މީގެ 16 އަހަރު ކުރިން، ރައީސް މައުމޫން އަބްދުލްޤައްޔޫމްގެ ވެރިކަމުގެ 2005 ވަނަ އަހަރުގެ ޑިސެމްބަރ މަހުގެ ތެރޭގަ އެވެ.
ކަސްޓަމްސްގެ އުތުރުގެ ސަތަހައްދީ މައި އޮފީސް ކުޅުއުއްފުށި ސިޓީގައި އިއްޔެ ހަވީރު ރަސްމީކޮށް ހުޅުއްވައިދެއްވީ މިނިސްޓަރ އޮފް ޑިފެންސް މާރިއާ އަޙްމަދު ދީދީ އެވެ.
މިރަސްމިއްޔާތުގައި މިނިސްޓަރ މާރިއާ ދީދީ ގެ އިތުރުން ކަސްޓަމްސްގެ ކޮމިޝަނަރ ޖެނެރަލް އަބްދުﷲ ޝަރީފް ވެސް ބައިވެރިވެ ވަޑައިގެންނެވި އެވެ. މިރަސްމިއްޔާތުގައި ކުޅުދުއްފުށި ސިޓީ ކައުންސިލްގެ މޭޔަރ މުޙައްމަދު އާތިފް އާއި އެސިޓީގެ އެހެން މުވައްސަސާތަކުގެ އިސްވެރިންވެސް ވަނީ ބައިވެރިވެފައެވެ.
