ކުޑަކުދިންގެ ހިޔާގައި ތިބި ކުދިންތަކެއް ބިޑިއަޅުވައި ޓޯޗާރގެ އަމަލެއް ހިންގި ކަމުގެ ތުހުމަތުގައި 13 ފުލުހަކާއި ކުރީގެ ޖެންޑާރ މިނިސްޓަރ ޒެނީޝާ ޝަހީދު ޒަކީއަށް ދައުވާކޮށްފިއެވެ.
ޕްރޮސެކިއުޓަރ ޖެނެރަލް ހުސައިން ޝަމީމް މިއަދު ވިދާޅުވީ ހިޔާގައި ގެންގުޅޭ ކުދިންނަށް ހިމާޔަތް ދޭން ޖެހޭނެ ކަމަށާއި މިފަދަ އަނިޔާވެރި އަމަލެއްގައި އަމަލީ ގޮތުން ބައިވެރިވި ކަމުގެ ހެކި ލިބިފައިވާތީ 13 ފުލުހަކަށް ދައުވާ ކުރަން ފޮނުވާފައިވާކަމަށެވެ.
މީގެ އިތުރުން މިމައްސަލައިގައި ފެމިލީ އެންޑް ޗައިލްޑް ޕްރޮޓެކްޝަން ޔުނިޓުގެ ހެޑް، ޗީފް ސުޕްރިޓެންޑެންޓް އޮފް ޕޮލިސް މުހައްމަދު ބަޝީރުއަށްވެސް ދައުވާ ކުރަން ނިންމާފައިވާކަމަށް ޝަމީމް ވިދާޅުވިއެވެ.
އެހެންކަމުުން މިމައްސަލައިގައި ދައުވާ ކުރެވޭ 13 ފުލުހުންނަކީ:
އިސްމާއިލް ރަފީއު (ސާވިސް ނަންބަރު 1676)،
ހަސަން ރިލްވާން (ސާވިސް ނަންބަރު 1908)،
އަބްދުލްބާރީ އަހްމަދު (ސާވިސް ނަންބަރު 3600)
ފާތިމަތު ޝިރުފާ (ސާވިސް ނަންބަރު 5156)،
އަފްސާނާ އަބްދުލްވައްހާބު (ސާވިސް ނަންބަރު 3714)،
އައިޝަތު އަމްސޫދާ (ސާވިސް ނަންބަރު 3369)،
ހަސަން ނާފިއު (ސާވިސް ނަންބަރު 4442)،
އާދަމް ނަސީމް (ސާވިސް ނަންބަރު 2083)،
ސާމް އުމަރު (ސާވިސް ނަންބަރު 2590)،
އަހްމަދު މަމްނޫން އަލީ (ސާވިސް ނަންބަރު 3594)،
އާދިލް އަލީ (ސާވިސް ނަންބަރު 2763)،
އިކުލީލު ޖަވާދު (ސާވިސް ނަންބަރު 4141)،
ޝަނާޒު އަހްމަދު (ސާވިސް ނަންބަރު 1864) އެވެ.
