ގޯތީގެ ބޮޑުމިނާއި ބިން ލިބޭތަން
- 1250 އަކަފޫޓުގެ ގޯތި (ހުޅުމާލެ 250, ގުޅީފަޅު 260, ގިރާވަރު 3041)
- 1650 އަކަފޫޓޫގެ ގޯތި (ހުޅުމާލެ 340, ގުޅީފަޅު 558, ގިރާވަރުފަޅު 1904)
- 2050 އަކަފޫޓުގެ ގޯތި (ހުޅުމާލެ 370, ގުޅީފަޅު 690, ގިރާވަރުފަޅު 487)
- 2450 އަކަފޫޓުގެ ގޯތި (ހުޅުމާލެ 180, ގުޅީފަޅު 476)
- 2850 އަކަފޫޓުގެ ގޯތި (ހުޅުމާލެ 100, ގުޅީފަޅު 154)
- 3250 އަކަފޫޓުގެ ގޯތި (ހުޅުމާލެ 60, ގުޅީފަޅު 49)
- 3650 އަކަފޫޓުގެ ގޯތި (ހުޅުމާލެ 31, ގުޅީފަޅު 22)
- 4000 އަކަފޫޓުގެ ގޯތި (ހުޅުމާލެ 20, ގުޅީފަޅު 9)
1250 އަކަފޫޓުގެ 3551 ގޯއްޗަކީ, ސިންގަލް އެޕްލިކަންޓުންގެ ގޮތުގައި ހުށަހަޅައިގެން ގޯތި ލިބުނު މީހުންނެވެ. 1650 އަކަފޫޓުގެ 2802 ގޯއްޗަކީ, ދެ މީހަކު އެކުވެގެން އެޕްލިކޭޝަން ހުށަހެޅި މީހުންނެވެ. ގޯތީގެ ބޮޑުމިން ބަލާފައި ވަނީ އެޕްލިކޭޝަނަށް ޖޮއިންޓުވާ ކޮންމެ މީހަކަށް 400 އަކަފޫޓު އިތުރުުވާ ގޮތަށެވެ.
4000 އަކަފޫޓުގެ 29 ގޯތި ލިބެނީ މަދުވެގެން އަށް މީހުން އެކުވެގެން އެޕްލިކޭޝަން ހުށަހެޅުމުންނެވެ.
ރޭ ހައުސިން މިނިސްޓްރީން ބޭއްވި ނޫސްވެރިންގެ ބައްދަލުވުމުގައި އެ މިނިސްޓްރީގެ ސްޓޭޓު މިނިސްޓަރު އަކްރަމް ކަމާލުއްދީން ވިދާޅުވީ، ބިންވެރިޔާ އުސޫލުގެ ދަށުން ގޯތި ދިނުމުގައި ދިރިއުޅުމުގެ ފެންވަރަށް ނުބަލާ ކަމަށެވެ.
ގޯތި ލިބޭ މީހުންގެ ދާއިމީ ލިސްޓު ރޭ އާންމުކުރާއިރު, ގޯތި ލިބޭ މީހުންގެ މެދުގައި ގުރު ނެގުން އޮންނާނީ އަންނަ އަންގާރަ ދުވަހު ގަލޮޅު ދަނޑުގައި ކަމަށް ގެދޮރުވެރިޔާ ކޮމިޓީން ބުންޏެވެ. އެ ކޮމިޓީގެ ޗެއާ, އަކްރަމް ކަމާލުއްދީން ވިދާޅުވި ގޮތުގައި މިހިނގާ ވެރިކަމުގެ ދައުރު ނިމުމުގެ ކުރިން ހުރިހާ ފަރާތްތަކަށް ގޯތި ދޫކޮށް ނިމޭނެ އެވެ.
