الله ގެ އިރާދަފުޅާ މިންވަރުފުޅުން ކުރިއަށް އޮތް ރިޔާސީ އިންތިޚާބުގައި ދިވެހިރައްޔިތުން އަޅުގަނޑަށް ތާއީދު ކޮށް ރައީސުލް ޖުމްހޫރިއްޔާ ކަމުގެ މަޤާމް ތަނަވަސްކޮށްދެއްވައިފިނަމަ، ޅ. ހިންވަރާއި، އަދި ނައިފަރާއި އަދި މަޑިވަރު ސިޓީއެއްގ ގޮތުގައި ތަރައްޤީ ކޮށްދެއްވާނެ ކަމަށް ވިދާޅުވެ، ޖުމްހޫރީ ޕާޓީގެ ރިޔާސީ ކެންޑިޑޭޓް ޤާސިމް އިބުރާހީމް ވައުދުވެވަޑައިގެންފިއެވެ.
ޅ އަތޮޅަށް މިހާރު ކުރައްވަމުން ގެންދަވާ ރިޔާސީ ކެމްޕެއިން ދަތުރުފުޅުގައި ޅ ނައިފރުގެ ރައްޔިތުންނާއި މިއަދު ބައްދަލުކުރައްވާ ވާހަކަފުޅުދައްކަވަމުން ގާސިމް ވިދާޅުވީ އެމަނިކުފާނަށް ތާއީދުކޮށް ރައީސުލް ޖުމްހޫރިއްޔާ ކަމުގެ މަޤާމް ތަނަވަސްކޮށްދެއްވައިފިނަމަ ޅ. ހިންވަރާއި، އަދި ނައިފަރާއި ދެމެދުގައި ހުރި ފަޅުތައް ބުރިޖަކުން ގުޅާލާނެ ކަމަށާއި އަދި މީގެ އިތުރުން ނައިފަރާއި، މަޑިވަރާއި، ހިންނަވަރު ބޮޑު ސިޓީ އަކަށް ހަދާނެކަމަށެވެ.
“الله ގެ އިރާދަފުޅާ މިންވަރުފުޅުން ކުރިއަށް އޮތް ރިޔާސީ އިންތިޚާބުގައި ދިވެހިރައްޔިތުން އަޅުގަނޑަށް ތާއީދު ކޮށް ރައީސުލް ޖުމްހޫރިއްޔާ ކަމުގެ މަޤާމް ތަނަވަސްކޮށްދެއްވައިފިނަމަ، ޅ. ހިންވަރާއި، އަދި ނައިފަރާއި ދެމެދުގައި ހުރި ފަޅުތައް ބުރިޖަކުން ގުޅާލާ، ނައިފަރާއި، މަޑިވަރާއި، ހިންނަވަރު ބޮޑު ސިޓީ އަކަށް ހަދާނަން.: ޤާސިމް
އެމަނިކުފާނު އިތުރަށް ވިދާޅުވި މިހާރު މިއޮތް ސަރުކާރަށް އިތުރު ފަސް އަހަރު ދެއްވައިފި ނަމަ ގައުމުގެ ހާލަތު އިތުރަަށް ގޯސްވެދާނެ ކަމަށާއި އެހެން ކަމުން އެފަދަ ގޯސް ފިޔަވަޅެއް އެއްވެސް ރައްޔިތަކު ނޭޅުއްވުމަށް ޤާސިމް ވަނީ އެދިވަޑައިގެންފައެވެ.
