ރާއްޖޭގެ ވެރިކަމަށް ވަޑައިގަންނަވާ ބޭފުޅަކަށް އާންމު ރައްޔިތަކަށް ފެންނަ ވަރަށް ވުރެ ދުރު ފެންނަން އެބަޖެހޭ ކަމަށް ޖުމްހޫރީ ޕާޓީގެ ރިޔާސީ ކެންޑިޑޭޓް ޤާސިމް އިބުރާހީމުގެ ރަނިގްމޭޓް އަމީން އިބުރާހީމު ވިދާޅުވެއްޖެއެވެ.
އަމީން މިފަދައިން ވިދާޅުވީ މިހާރު ކުރައްވަމުން ގެންދަވާ ކެމްޕެއިން ދަތުރުފުޅުގައި ލ. އިސްދޫއަށް ވަޑައިގެން އެރަށުގެ ރައްޔިތުންނާއި ބައްދަލުކުރައްވާ ދެއްކެވި ވާހަކަފުޅުގައެވެ.
އަމީން ވިދާޅުވީ އަޅުގަނޑުމެންނާއި އަޅުގަނޑުމެންގެ ޅަ ދަރިންނާއި ކުރިއަށްއޮތް މުސްތަގުބަލު ކަނޑައަޅަން ރާއްޖޭގެ ވެރިކަން ހަވާލުކުރާ ވެރިއަކަށް އާއްމު ރައްޔިތަކަށް ފެންނަ ވަރަށްވުރެ ދުރު ފެންނަން އެބަޖެހޭކަމަށެވެ. އަދި އޭނަގެ ރާޑަރަށް އެހުރިހާ އުނދަގުލަކާއި ނައްޓަންޖެހޭ ފަރަކާއި އަޅަންޖެހޭ ގޯޅިއަކާ މިހުރިހާއެއްޗެއް ހަވާލުވާ ވެރިއެއްގެ ރާޑަރަށް އަރަންއެބަޖެހޭކަމަށް އަމީން ވިދަޅުވިއެވެ.
”އަޅުގަނޑުމެންނާއި އަޅުގަނޑުމެންގެ ޅަ ދަރިންނާއި ކުރިއަށްއޮތް މުސްތަގުބަލު ކަނޑައަޅަން މި ހަވާލުކުރަނީ. ވެރިއަކަށް ވަޑައިގަންނަވާ ބޭފުޅަކަށް އާއްމު ރައްޔިތަކަށް ފެންނަ ވަރަށްވުރެ ދުރު ފެންނަން އެބަޖެހޭ. އޭނަގެ ރާޑަރަށް އެހުރިހާ އުނދަގުލަކާ ނައްޓަންޖެހޭ ފަރަކާއި އަޅަންޖެހޭ ގޯޅިއަކާ މިހުރިހާއެއްޗެއް އޭނަގެ ރާޑަރަށް އަރަންއެބަޖެހޭ. އެރާޑަރަށް މައްސަލަ ޖެހިފައިހުރިއްޔާ ގައުމު ދާގޮތައްގޮސް އަރާނީ ފަރަށް.“ އަމީން ވިދާޅުވިއެވެ.
މީގެ އިތުރުން އަމީން ވިދާޅުވީ ވެރިކަން ހަވާލުކުރާ ވެރިއެއްގެ އެރާޑަރަށް މައްސަލަ ޖެހިފައިހުރިއްޔާ ގައުމު ދާގޮތައްގޮސް އަރާނީ ފަރަށްކަމަށް ވެސް އަމީން ވިދާޅުވިއެވެ. އެހެން ކަމުން މިވަގުތު އެފަދަ ވެރިއަކަށް ވާން އެންމެ އެކަށީގެން ވަނީ ޖުމްހޫރީ ޕާޓީގެ ކެންޑިޑޭޓް ގާސިމު އިބުރާހީމް ކަމަށް ވެސް އަމީން ވިދާޅުވިއެވެ. ޤާސިމް އަކީ އަޅުގަނޑުމެންނާއި އަޅުގަނޑުމެންގެ ޅަ ދަރިންނާއި ކުރިއަށްއޮތް މުސްތަގުބަލު ކަނޑައަޅަން ރާއްޖޭގެ ވެރިކަން ހަވާލުކުރަން އެންމެ އެކަށީގެންވާ ފަރާތްކަމަށް އަމީން ވިދާޅުވިއެވެ.
