ރަޢީސުލްޖުމްހޫރިއްޔާ އިބްރާހީމް މުޙާއްމަދު ޞާލިޙްއާ ވާދަކުރައްވައި ބޮޑު ތަފާތަކުން ރިޔާސީ އިންތިޚަބު ކާމިޔާބުކުރެއްވި ދިވެހި ރާއްޖޭގެ އިންތިޚާބީ ރައީސް ޕްރޮގްރެސިވް ކޯލިޝަންގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުއަށް އިންޑިއާގެ ބޮޑުވަޒީރު ނަރެންދުރަ މޯދީ މަރުހަބާ ވިދާޅުވެއްޖެ އެވެ.
އިންޑިއާގެ ބޮޑުވަޒީރުމިއަދު ހެނދުނު ކުރެއްވި ޓުވީޓެއްގައި ވިދާޅުވެފައިވަނީ އިންޑިއާއާއި ދިވެހިރާއްޖެއާ ދެގައުމުގެ ދެމެދުގައި އޮންނަ ޒަމާންވީ ގުޅުން އިތުރަށް ބަދަހިކޮށް އިންޑިއާ ކަނޑުގެ ސަރަހައްދުގައި ދެގައުމުގެ ގުޅުން އިތުރަށް ބަދަހިކުރެއްވުމަށް އިންޑިއާއިން އަބަދުވެސް މަސައްކަތްކުރައްވާނެ ކަމުގަ އެވެ.
Congratulations and greetings to @MMuizzu on being elected as President of the Maldives.
India remains committed to strengthening the time-tested India-Maldives bilateral relationship and enhancing our overall cooperation in the Indian Ocean Region.
— Narendra Modi (@narendramodi) October 1, 2023
އިންޑިއާއިން ޑރ. މުޢިއްޒު އަށް މަރުޙަބާ ދެންނެވުމުގެ ކުރިން ޗައިނާއިން ވަނީ އިންތިޚާބީ ރައީސް ޑރ. މުޢިއްޒު އަށް މަރުޙަބާ ދަންނަވާފައެވެ.
ޚާރިޖީ ސިސާސަތާއި ބެހޭގޮތުން ޑރ.މުޢިއްޒު ވިދާޅުވެފައިވަނީ ވަކި ޤައުމެއް ތަފާތު ކުވާގޮތަށް ހުރިހައި ޤައުމަކާއިވެސް އެކުވެރިކަމާއި އެކު ގާތް ގުޅުމެއް ޤާއިމު ކުރައްވާނެ ކަމުގައެވެ. އަދި އެ ގުޅުމަކީ ކިތަންމެ ގާތް ގުޅުމަކަށް ވިޔަސް އެގުޅުމުގެ ސަބަބުން ދިވެހިންގެ މައްޗަށް އަތްގަދަކުރެވޭނެ އެއްވެސް ބަޔަކު ނުވަތަށް ޤައުމެއްވެސް ނާންނާނެ ކަމަށް މުއިއްޒު ވިދާޅުވި އެވެ. އަދި އެމަނިކުފާނުގެ ސަރުކާރެއްގައި އަބަދުވެސް އިސްކުރައްވާނީ ދިވެހިން ކަމަށާއި، ދިވެހިން ތިބި ގައުމުތަކާއި، އަދި ދިވެހިން އާންމުކޮށް ދާ ގައުމުތަކާއި ދެމެދު ގާތް ގުޅުމެއް ބާއްވާނެކަމަށްވެސް އެމަނިކުފާނު ވިދާޅުވި އެވެ.
ދިވެހިރާއްޖޭގެ އިންތިޚާބީ ރައީސް ޑރ. މުޢީއްޒު ވިދާޅުވީ ދުނިޔޭގެ އެއްވެސް ޤައުމަކުން ރާއްޖޭގެ މިނިވަންކަމުގެ އިން ފަހަނައަޅައި ދާކަމުގައިވާނަމަ އެކަމަށް ޖާގަ ނުދެވޭނެކަމުގަ އެވެ.
