ތުނޑީ ފުޓްސަލް ޗެލެންޖް 2023: ސްޕާކް ޕްލަގް އަދި ފޮއެމަތި ފައިނަލަށް!

ތުނޑީ ފުޓްސަލް ޗެލެންޖް 2023 ގެ ފައިނަލުން، ސްޕާކް ޕްލަގް އަދި ފޮއެމަތި ސްޕޯޓްސް ކުލަބު ޖާގަ ހޯދައިފިއެވެ.

ރޭ ތުނޑީ ފުޓްސަލް ދަނޑުގައި ކުޅުނު ސެމީ ފައިނަލްގެ ފުރަތަމަ މެޗުގައި ޖީޖީ އެސްސީގެ މައްޗަށް ސްޕާކް ޕްލަގް ސްޕޯޓްސް ކުލަބުން ކުރިހޯދީ 3-1 ގެ ނަތީޖާއަކުންނެވެ. މި މެޗުގައި ސްޕާކް ޕްލަގް އަށް ލަނޑުތައް ޖަހައިދިނީ ޒައިދާން އަބުދުﷲއެވެ. ސްޕާކް ޕްލަގްގެ ތިންވަނަ ލަނޑަކީ ޖީޖީ އެސްސީންގެ ކުޅުންތެރިންގެ އަތުން ބައިކޮޅަށް ވަތް ލަނޑެކެވެ. މި މެޗުގައި ޖީޖީ އެސްސީގެ ހަމަ އެކަނި ލަނޑު ޖަހައިދިނީ އަޙުމަދު ސޮބާހުއެވެ. މި މެޗުގެ މޮޅު ކުޅުންތެރިއަކަށް ހޮވިފައިވަނީ ސްޕާކް ޕްލަގް އަށް މެޗުގައި ދެ ލަނޑު ޖަހައިދިން ޒައިދާން އަބުދުﷲއެވެ.

ރޭ ކުޅުނު ސެމީގެ ދެވަނަ މެޗުގައި ބައްދަލުކުރީ ފެނަކަ މާބައިދޫ އާއި ފޮއެމަތި ސްޕޯޓްސް ކުލަބެވެ. މި މެޗު 2-0 އިން ކާމިޔާބު ކޮށް ފައިނަލްގެ ޖާގަ ހޯދީ ފޮއެމަތި ސްޕޯޓްސް ކުލަބުންނެވެ. މި މެޗުގައި ފޮއެމަތި ޓީމަށް ލަނޑުތައް ޖަހައިދިނީ ހަސަން ޒައިދު އާއި އިބުރާހީމް ޝަރީފުއެވެ. މި މެޗުގެ މޮޅު ކުޅުންތެރިއަކަށް ހޮވިފައިވަނީ ފޮއެމަތީގެ އިބުރާހީމް ޝަރީފްއެވެ.

ސްޕާކް ޕްލަގް އަދި ފޮއެމަތި ސްޕޯޓްސް ކުލަބު ފައިނަލުގައި ބައްދަލުކުރަން ޖެހުނުއިރު، މި ދެޓީމު ބައްދަލުކުރާ ފައިނަލް މެޗު ކުޅުމަށް ހަމަޖެހިފައިވަނީ މި މަހުގެ 30 ވަނަ ދުވަހުގެ ރޭ 9:00 ގައެވެ.

މި މުބާރާތުގެ މީޑިއާ ޕާޓްނަރަކީ ”ފެންވަރު އޮންލައިން“ އެވެ. ޕްރިންޓިން ޕާޓްނަރަކީ ލަފްޒް އެވެ. އަދި ކޯ ސްޕޮންސަރުންނަކީ ލެޒިޒް، ފިނިތަރި، އޯސިކްސް ފިހާރަ އެވެ.