ފަލަސްތީނުގެ ޣައްޒާގެ އެތައް ހާސް ބަޔަކު ބަނޑުހައިހޫނުކަމުގައި އެބަ ތިބި ކަމަށާއި އޭގެ ތެރެއިން ގިނަ ބަޔަކު ބަނޑަށް މަރުވުން ގާތްކަމަށް ޣައްޒާގެ ހެލްތް މިނިސްޓްރީން ބުނެފި އެވެ.
ޣައްޒާގެ ހެލްތު މިނިސްޓްރީން ނެރުނު ބަޔާނެއްގައި ބުނީ ޣައްޒާގެ އެތަކެއް ހާސް ބަޔަކު ބަނޑުހައިހޫނުކަމުގައި އެބަތިބި ކަމަށާއި އޭގެތެރެއިން ދެ މީހަކު މިހާރުވެސް މަރުވެފައިވާކަމަށެވެ. އަދި އުތުރު ޣައްޒާގައި މިހާރުވެސް އެތައް ބަޔަކު ހައިހޫނު ކަމުގައި ތިބިއިރު އެމީހުން ކޮންމެ ފަދަ ވަގުތެއްގައި ވެސް މަރުވުމަކީ ގާތް ކަމެއް ކަމަށް ވެސް ބަޔާނުގައި ވަނީ ބުނެފައެވެ.
އެހެންކަމުން ވީ އެންމެ އަވަހަކަށް ޣައްޒާއަށް ކާބޯ ތަކެއްޗާއި ބޯފެން ފޯރުކޮށްދިނުމަށާއި އަދި އެހީދޭ ފަރާތްތަކުން ހަދިޔާ ކުރި ތަކެތި ޣައްޒާގެ ހުރިހާ ސަރަހައްދަކަށް ވެސް ފޯރުކޮށް ދިނުމަށް ގޮވާލާފައިވެ އެވެ.
ބަނޑުހައިހޫނު ކަމުގެ އިތުރުން ޣައްޒާގެ އެކި ސަރަހައްދުތަކުގައި ތަފާތު އެކި ބަލިތައް ވެސް ފެތުރެމުންދާ ކަމަށްވެސް ބަޔާނުގައި ބުނެފައިވެއެވެ.
ނިމިގެން ދިޔަ އަހަރުގެ އޮކްޓޫބަރު މަހުގެ ހަތްވަނަ ދުވަހުން ފެށިގެން މެދު ނުކެނޑި އިސްރާއީލުން ފަލަސްތީނަށް ހަމަލާތައް ދެމުން އަންނައިރު، މިހާތަނަށް އިސްރާއީލުން ދިން ހަމަލާތަކުގައި ޣައްޒާއިން އިން 29،000 އަށް ވުރެ ގިނަ މީހުން ވަނީ ޝަހީދުވެފަ އެވެ.
ހަނގުރާމައިގެ ސަބަބުން ގާޒާގެ 85 ޕަސެންޓު މީހުން ގެދޮރު ދޫކޮށް ގޮސްފައިވާއިރު ގާޒާގެ ބައި މިލިއަނެއްހާ މީހުން ބަޑުހައިހޫނުކަން އަންނަނީ ތަހައްމަލު ކުރަމުންނެވެ.
