އުތުރު ކޮރެއާއިން، ރަޝިއާއަށް 6،700 ކޮންޓެއިނާގެ އާޓިލަރީ ޝެލްސް ހަދިޔާކޮށްފި

އުތުރު ކޮރެއާއިން ރަޝިއާއަށް ގިނަ އަދަދެއްގެ އާޓިލަރީ ޝެލްސް ހަދިޔާކޮށްފިއެވެ.

ރިޕޯޓުތައް ބުނާގޮތުން އުތުރުކޮރެއާއިން ރަޝިއާއަށް ހަދިޔާކުރީ އާޓިލަރީ ބަޑީގެ ޝެލްސްގެ 6،700 ކޮންޓެއިނާއެވެ. އެ 6،700 ކޮންޓެއިނާގައި 152 އެމްއެމްގެ ތިން މިލިއަން ޝެލްސް ހިނެއެވެ.

ތިން މިލިއަން އާރޓިލަރީ ޝެލްސް ކޮރެއާއިން ރަޝިއާއަށް ހަދިޔާކުރިއިރު މިއީ މުޅި ޔޫރަޕް އެއްކޮށް ޔުކްރެއިން އަށް ފޮނުވި އާރޓިލަރީ ޝެލްސްގެ ދިހަ ގުނަ އިތުރު އަދަދަކެވެ.

ބައެއް ރިޕޯޓުތައް ބުނާގޮތުން އުތުރުކޮރާއިން ދަނީ ރަޝީއާއަށް މިފަދަ އެތަކެއް ބާވަތުގެ ހަތިރާއި ގޮވާތަކެތިވެސް ހަދިޔާކުރަމުންނެވެ.

ކޮރެއާއިން ދަނީ އިސްރާއީލާއި އެމެރިކާ ގުޅިގެން ފަލަސްތީނުގައި ހިންގާ ގަތުލުއާންމުތައް ކުއްވެރިކޮށް އެކަން ވަގުތުން ހުއްޓާލުމަށް ވެސް ގޮވާލާފައެވެ. ކޮރެއާގެ ޒައީމު ކިމް ޖޮންގް އުން ބުނެފައިވަނީ ހަމާސް އަދި ހިޒްބުﷲ ފަދަ ޖަމާއަތްތަކަށް ވެސް ހަތިޔާރު ފޯރުކޮށްދިނުމަށް ތައްޔާރަށް އޮތްކަމަށެވެ.

ކޮރެއާގައި މިސައިލް ފަދަ ހަތިޔާރު އުފައްދާ މިންވަރު އިތުރު ކުރުމަށް ވެސް ކިމް ޖޮންގް އުން އެ ޤައުމުގެ އަސްކަރިއްޔާއަށް ވަނީ އަމުރު ކުރައްވައިފިއެވެ.