ހުޅުމާލޭ ފޭސް ދޭއް އަދި ފޭސް ތިނެއްގައި މިސްކިތް އިމާރާތް ކުރަން ދެ ބިން މިއަދު ހަވާލުކޮށްފިއެވެ.
ހައުސިންގ ޑެވެލޮޕްމަންޓް ކޯޕަރޭޝަނުން އެކްސްގައި ކުރެއްވި ޕޯސްޓެއްގައި ބުނެފައިވަނީ ހުޅުމާލޭގައި 2 މިސްކިތެއް ތަރައްގީކުރުމަށް އެޗްޑީސީން މިއަދު ވަނީ އިސްލާމިކް މިނިސްޓްރީއާއި ބިން ހަވާލުކޮށް އެއްބަސްވުމެއްގައި ސޮއިކޮށްފައިކަމަށާއި މި ރަސްމިއްޔާތުގައި އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ވަނީ ބައިވެރިވެ ވަޑައިގެންފައިވާކަމަށެވެ.
”ހުޅުމާލޭގައި 2 މިސްކިތެއް ތަރައްގީކުރުމަށް އެޗްޑީސީން މިއަދު ވަނީ އިސްލާމިކް މިނިސްޓްރީއާއި ބިން ހަވާލުކޮށް އެއްބަސްވުމެއްގައި ސޮއިކޮށްފައެވެ. މި ރަސްމިއްޔާތުގައި އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ވަނީ ބައިވެރިވެ ވަޑައިގެންފައެވެ.“ ހައުސިންގ ޑެވެލޮޕްމަންޓް ކޯޕަރޭޝަން ޕޯސްޓުގައި ބުނެފައިވެއެވެ.
މިސްކިތް ބިނާކުރުމަށް ބޭނުންވާ ބިން ހަވާލުކުރުމުގެ އެއްބަސްވުމުގައި އެޗްޑީސީގެ ފަރާތުން ސޮއި ކުރައްވާފައިވަނީ އެ ކޯޕަރޭޝަންގެ މެނޭޖިން ޑިރެކްޓާ އިބްރާހިމް ފަޒުލް ރަޝީދެވެ. އަދި އިސްލާމިކް މިނިސްޓްރީގެ ފަރާތުން ސޮއި ކުރެއްވީ މިނިސްޓަރ ޑރ. މުޙައްމަދު ޝަހީމް ޢަލީ ސަޢީދުއެވެ.
މިސްކިތް ބިނާކުރުމަށް ހުޅުމާލޭ ދެ ވަނަ ފިޔަވަހިން 27،920 އަކަފޫޓުގެ ބިން ދޫކޮށްފައިވާއިރު، ފޭސް ތިނަކުން ދޫކޮށްފައިވަނީ 21،952 އަކަފޫޓޫގެ ބިމެކެވެ.
