ނިމިދިޔަ ސަރުކާރުގެ ފަސް އަހަރު ނިމުނުއިރު،
ބޯހިޔާވަހިކަމުގެ ވައުދު ވެސް ނުފުއްދުނު ކަމަށާއި ވެރިކަން ނިމެން ގާތްވުމުން ރައްޔިތުންނަށް ގޯއްޗާއި ފުލެޓް ދިނުމުގެ ނަމުގައި އެމްޑީޕީން ހިންގީ ބޮޑުއޮޅުވާލުމެއް ކަމަށް ކުރީގެ ރައީސް މުޙައްމަދު ނަޝީދު ރޭ ވިދާޅުވެއްޖެއެވެ.
ދަ ޑިމޮކްރެޓްސްގެ މަޖިލީސް ކެމްޕޭނު ނިންމަން ރާޅުގަނޑު ސަރަހައްދުގައި ”ފާރަވެރި މަޖިލީސް“ ނަމުގައި ރޭ ބޭއްވި ޖަލްސާގައި ނަޝީދު ވިދާޅުވީ ނިމިދިޔަ އެމްޑީޕީ ސަރުކާރުގެ ފަސް އަހަރު ނިމުނުއިރު،
ބޯހިޔާވަހިކަމުގެ ވައުދު ވެސް ނުފުއްދުނު ކަމަށާއި ވެރިކަން ނިމެން ގާތްވުމުން ރައްޔިތުންނަށް ގޯއްޗާއި ފުލެޓް ދިނުމުގެ ނަމުގައި އެމްޑީޕީން ހިންގީ ބޮޑުއޮޅުވާލުމެއް ކަމަށެވެ.
ނާޝީދު ވިދާޅުވީ ރާއްޖޭގެ ސަލާމަތްތެރިކަން އޮތީ ރައްޔިތުން ނިންމި ގޮތެއްގައި ކަމަށާއި ރާއްޖޭ މިވަގުތު އޮތީ ދަރަނިވެރިވެ އެހެން ގައުމުތަކަށް ދަރަނި އަދާކުރަން ޖެހޭ ހާލުގައި ކަމަށެވެ. އަދި އާދިއްތަ ދުވަހު އޮންނަ އިންތިހާބުގައި ވޯޓުލާން ވާނީ ރާއްޖޭގެ ހާލަތަށް ވިސްނައިގެން ކަމަށް ނަޝީދު ވިދާޅުވިއެވެ.
19 ވަނަ މަޖިލިސް އުފެދިގެން އައީ ދިވެހި ދައުލަތުގެ ދަރަނި އަލުން އަނބުރާ އެކުލަވާލާނެކަމުގެ ވައުދާއެކު ކަމަށާއި އެހެން ނަމަވެސް އެމްޑީޕީން ކަން ކުރީމެނިފެސްޓޯއާ ދިމާ އިދިކޮޅަށް ކަމަށްވެސް ރައީސް ނަޝީދު ވިދާޅުވިއެވެ. އެމްޑީޕީގެ ސަރުކާރުގައި ގައުމުގެ އުފެއްދުންތެރިކަން ދިޔައީ ދަށައް ކަމަށް ވެސް ނަޝީދު ވަނީ ވިދާޅުވެފައިއެވެ.
