ކ. ފުނަދޫ ކައިރިން ދޯންޏަކާއި ލޯންޗެއް ޖެހި ނުރައްކާތެރި އެކްސިޑެންޓެއް ހިނގައިފި އެވެ.
މި ހާދިސާގައި ހަތަރު މީހަކަށް އެކިވަރުގެ އަނިޔާލިބި، މިހާރު ދަނީ ފަރުވާ ދެމުންނެވެ.
މި އެކްސިޑެންޓް ހިނގާފައިވަނީ ރޭ 7:19 ހާއިރު ކަމަށް މައުލޫމާތު ލިބެ އެވެ. އެކްސިޑެންޓް ހިނގި ވަގުތު ދެ އުޅަނދުގައި ތިބި މީހުންގެ ތެރެއިން އަނިޔާވެފައިވަނީ ތިން ދިވެހިންނަށާއި ބިދޭސީއަކަށެވެ.
މި ހާދިސާގައި އަނިޔާވި މީހުންގެ ތެރެއިން އެކަކަށް އޭޑީކޭ ހޮސްޕިޓަލުގައި އަންނަނީ ފަރުވާ ދެމުންނެވެ.
ފުލުހުންނާއި ކަމާބެހޭ އިދާރާތަކުން މިހާރު ދަނީ މި އެކްސިޑެންޓް ހިނގަން މެދުވެރިވި ސަބަބު އިތުރަށް ތަހުގީގު ކުރަމުންނެވެ.
ކަނޑުމަތީގެ މިފަދަ ހާދިސާތައް މަދުކުރުމަށް ސަލާމަތީ ފިޔަވަޅުތަކަށް ސަމާލުވުމަށް ކަމާބެހޭ ފަރާތްތަކުން އަބަދުވެސް އިލްތިމާސް ކުރެ އެވެ.
