މޯލްޑިވް ގޭސްގެ މެނޭޖިން ޑިރެކްޓަރ ޝަޒައިލް ޝިޔާމްގެ ސަސްޕެންޝަން އުވާލާފައި އަލުން ވަޒީފާއަށް ނެރެފިއެވެ.
މޯލްޑިވް ގޭސް އިން ނެރުނު އެންގެވުމުގައި ބުނެފައިވަނީ އެމްޑީ ޝަޒައިލް ކޮރަޕްޝަންގެ އަމަލެއް ހިންގާފައިނުވާކަން އޭސީސީގެ އަންގާފައިވާތީ ޝަޒައިލްގެ ސަސްޕެންޝަން އުވާލައި، އަލުން އަނބުރާ ވަޒީފާ ރުޖޫއަކޮށްފައިވާކަމަށެވެ.
2019 ވަނަ އަހަރު އޮކްޓޯބަރ މަހު 15 ވަނަ ދުވަހު ކޮރަޕްޝަނުގެ ތުހުމަތުކުރެވި ޝަޒައިލްވަނީ ސަސްޕެންޑް ކޮށްފައެވެ. އެހެންނަމަވެސް އޭސީސީން ބުނާގޮތުގައި ޝަޒައިލް ކޮރަޕްޝަނުގެ އަމަލެއް ހިންގާފަކާއެއް ނެތްކަމަށެވެ.
އޭސީސީގެ މިނިންމުމާ ގުޅިގެން މޯލްޑިވެސް ގޭސްއިން ވަނީ ޝަޒައިލް އަބުރާ ވަޒީފާއަށް ގެނެސްފައެވެ.
