ކުޑަ ފިރިހެންކުއްޖަކު މަރާލާފައި އެއްލާފައި އޮއްވާ ހުޅުމާލެ އިން ފެނިއްޖެއެވެ.
ފުލުހުންގެ މީޑިއާ އޮފިޝަލް ވިދާޅުވީ 13 އަހަރުގެ ފިރިހެން ކުއްޖަކު ރަހީނުކޮށްފައިވާ ކަމަށް ބެލެވޭ މައްސަލައެއް މި މަހުގެ 20 ވަނަ ދުވަހު ފުލުހުންނަށް ހުށަހަޅާފައިވާ ކަމުގަ އެވެ.
މިމައްސަލައާއި ގުޅިގެން އެ ކުއްޖާ ހޯދުމަށް ކުރި މަސައްކަތުން ރޭ ދަންވަރު 2:38 އެހައިކަންހާއިރު އެކުއްޖާ ފެނުން އިރުވެސް އެކުއްޖާ އޮތީ މަރާލާފައިކަމަށް ފުލުހުން ވިދާޅުވިއެވެ.
ފުލުހުން ވިދާޅުވީ މިމައްސަލައިގެ ތުހުމަތުގައި 17 އަހަރުގެ ދިވެހި ފިރިހެންކުއްޖަކާއި، 23 އަހަރުގެ ދިވެހި ފިރިހެން ކުއްޖަކު ރޭގެ ވަގުތެއްގައި ފުލުހުންގެ ބެލުމުގެ ދަށަށް ގެންގޮސްފައިވާކަމުގައެވެ.
މި މައްސަލަ ވަރަށް ސީރިއަސް މައްސަލައެއްގެ ގޮތުގައި ތަޙްޤީޤު ކުރަމުން ގެންދަވާކަމަށްވެސް ފުލުހުން ވިދާޅުވިއެވެ.
