ނަފްރަތުގެ ބިލް ނަމަކަށް ކިޔާ ބިލެއް މަޖިލީހަށް ހުށަހަޅާފައި ނެތްކަމަށް ރައްޔިތުންގެ މަޖިލީހުގެ ތިމަރަފުށީ ދާއިރާގެ ކުރީގެ މެމްބަރު މުޙައްމަދު މުސްޠަފާ ވިދާޅުވެއްޖެއެވެ.
މުސްތަފާ ކުރެއްވި ޓްވީޓެއްގައި ވިދާޅުވެފައިވަނީ މަޖުލީހަށް ހުށަހެޅިފައިވަނީ ނަފްރަތުގެ ބިލް ނަމަކަށް ކިޔާ ބިލެއް ނޫން ކަމަށާއި ގާނޫނޫލް އުގޫބާތުގެ 124 ވަނަ މާއްދާއަށް އިސްލާހެއް ގެންނަން ހުށަހަޅާފައިވާ ކަމަށެވެ.
މުސްތަފާ ވިދާޅުވީ ގާނޫނޫލް އުގޫބާތުގެ 124 ވަނަ މާއްދާއަށް އަހުށައަޅާފައިވާ އިސްލާހަކީ ”އާއްމު ތަންތާ ކާފަރަށް ނުގޮވުން“ ކަމަށާއި ޤާސިމް ބުނެގެން ސޮއިކުރާ ޕެޓިޝަނުގައި ސަލަފުގެ އިސްވެރިން ސޮއި ނުކުރެއްވުމަށް މުސްތަފާ ވަނީ ގޮވާލައްވާފައެވެ.
ރައްޔިތުންގެ މަޖިލީހުގެ ތުޅާދޫ ދާއިރާގެ މެންބަރު ހިސާންގެ ބިލުގައިވާ ގޮތުން އާންމުތަނެއްގައި މުސްލިމަކު ކާފަރެއްގެ ގޮތުގައި ސިފަ ކުރުމާއި، ސިފަކުރުމުގައި ބައިވެރި ވުމާއި މުސްލިމަކަށް ކާފަރެއްކަމުގެ ތުހުމަތު ކުރުމަކީ ކުށަކަށް ހެދުމަށް ގާނޫނުލްއުގޫބާތަށް އިސްލާހު ގެނައުމަށް ވަނީ ހުށަހަޅާފައެވެ. މިބިލް ފާސްކޮށްދިނުމަށް ސަރުކާރުން ގޮވާލެއްވި ނަމަވެސް އަދާލަތު ޕާޓީ އަދި ޖުމްހޫރީ ޕާޓިން ވަނީ އެބިލާ ދެކޮޅު ހަދާފައެވެ.
