މޯލްޑިވްސް އޮލިމްޕިކްސް ކޮމިޓީ (އެމް.އޯ.ސީ)ގެ ސެކްރެޓަރީ ޖެނެރަލް އަދި ފައިނޭންޝިއަލް ޑިރެކްޓަރ މަޤާމަށް ދެބޭފުޅަކު އައްޔަންކޮށްފިއެވެ.
ސެކްރެޓަރީ ޖެނެރަލްގެ މަޤާމަށް އައްޔަން ކުރެވުނީ ކުރީގެ ޓީޓީ ކުޅުންތެރިޔާ ތަމޫހް ސައީދު އަދި ފައިނޭންޝިއަލް ޑިރެކްޓާރ އަކަށް އައްޔަން ކުރެވުނީ ކުރިންވެސް ހަޒާންދާރަކަށް ހުންނެވި ހުސައިން ރަޝީދުއެވެ.
އެމްއޯސީގެ ފަރާތުން އިއްޔެ ބޭއްވުނު ހިންގާ ކޮމެޓީގެ ބައްދަލުވުމުގައި އެގްޒެކެޓިވް ކޮމެޓީ ވޯޓުގެ ފުރިހަމަ ތާއީދާއެކު މިދެބޭފުޅުންވަނީ މިމަޤާމްތަކަށް ހޮވިފައެވެ. ހަމަމިއާއެކު އެމްއޯސީގެ އާ ރައީސް މުހައްމަދު އަބްދުސައްތާރު (ޗަމްޕީ) ގެ ދައުރު އިއްޔެ ރަސްމީކޮށް ވަނީ ފަށައިފައެވެ.
ސެކެޓްރީ ޖެނެރަލްގެ މަޤާމަށް ހޮވުނުއިރު ތަމޫހް ހުންނެވީ އެމްއޯސީގެ ނޭޝަނަލް ސްޕޯރޓްސް ކައުންސިލްގެ މެންބަރެއްގެ ގޮތުގައެވެ. ތަމޫހަކީ ގިނަ ދުވަސް ވަންދެން ކުޅިވަރުގެ ދާއިރާގައި ހަރަކާތްތެރިވި ބޭފުޅެކެވެ.
ހުސައިންއަކީ ފާއިތުވި ދެދައުރުގައިވެސް އެމްއޯސީގެ ހަޒާންދާރުކަން ކުރެއްވި ބޭފުޅެކެވެ.
