މާލޭގެ ހުކުރު މިސްކިތަށް އަރައި ބިދޭސީ އަންހެނަކު އަޅުކަން ކުރި ވީޑިޔޯއެއް މީސްމީޑިޔާގައި މިހާރު ދަނީ ދައުރުވަމުންނެވެ. މިވީޑިޔޯއާ ގުޅިގެން ދީނީ ޢިލްމުވެރިޔާ ޝައިޚް ޢަލީ ޒައިދު ކަންބޮޑުވުން ފާޅުކޮށްފިއެވެ.
ޝައިޚް ޒައިދު ވިދާޅުވާ ގޮތުގައި މިސްކިތްތަކުގައި ގޯސްކަންތައްތައް ނުހިގާނެކަން ކަށަވަރުކޮށްދީ މިހާރަށްވުރެ ބޮޑަށް މިސްކިތްތަކަށް އަޅާލުން ބޭނުންވާކަމަށެވެ.
ޝައިޚް ޒައިދު ވިދާޅުވީ، މިސްކިތްތައް ބިނާކުރެވިފައިވަނީ ﷲ އަށް އެކަނި އަޅުކަން ކުރުމަށްކަމަށާއި، މިއީ މައިގަނޑު އަސާސްކަމަށެވެ. މިމަތިވެރި މަޤްސަދާ ފުށުއަރާ އެއްވެސް ކަމަކަށް ޖާގަދެވޭނަމަ އެއީ ގޯހެއްކަމަށާއި، މިފަދަ ގޯސްތައް ކުރިޔަށް އޮތްތާ ނުހިނގާނެކަން ކަށަވަރުކޮށް މިސްކިތްތަކަށް މިހާރަށްވުރެ ބޮޑު އަޅާލުމެއް ބޭނުންވާކަމަށެވެ.
މީސްމީޑިޔާގައި ދައުރުވަމުންދާ ވީޑިޔޯއިން ފެންނަގޮތުގައި ބިދޭސީ އަންހެންމީހާ ހުކުރު މިސްކިތްތެރޭގައި ”މެޑީޓޭޝަން“ ނުވަތަ ޔޯގާ ހަދަން އިށީދެގެން އިނދެ އަޅުކަން(އެމީހުންގެ ދީނާ އެއްގޮތަށް) ކުރަމުންދެއެވެ. ވީޑިއޯއިން ފެންނަ ގޮތުގައި މި އަންހެން މީހާގެ އަތުގައި ކޮންމެވެސް ކަހަލަ ތަސްބީހަ ފައްޗެއްވެސް އޮތެވެ. އަދި އޭނާ އިނީ ދެފައި ވަށްކޮށްގެން ހަމަޖެހިލައިގެން މިސްކިތުގެ ތެރޭގައި އިށީދެގެންނެވެ.
https://www.facebook.com/plugins/video.php?height=476&href=https%3A%2F%2Fweb.facebook.com%2Fcrazymaldives.mv%2Fvideos%2F775457766457450%2F&show_text=false&width=264&t=0
މިވީޑިޔޯ އާންމު ކުރި ފަރާތުން ބުނެފައި އިންނަނީ އެއަންހެންމީހާ އިނީ ޔޯގާ ހަދާށެވެ. އެހެންނަމަވެސް އެއީ ދޮގެއްކަން އެވީޑިޔޯ ބަލާލުމުން ހާމަވެގެންދެއެވެ. މެޑިޓޭޝަން ނުވަތަ ޔޯގާ އަކީ ބުދު ދީނުގެ މީހުން ކޮށްއުޅޭ ކަމެކެވެ. އެހެންނޫނަސް ހުކުރު މިސްކިތަކީ އަންހެނުން އަރާ މިސްކިތެއް ނޫނެވެ. ހުކުރު މިސްކިތުގައި ނަމާދުކުރަނީ ހަމައެކަނި ފިރިހެނުންނެވެ.
