ޕްރޮސެކިއުޓަ ޖެނެރަލް (ޕީޖީ) އޮފީހުގެ މަސައްކަތް ހިނގާ ގޮތުގެ މައުލޫމާތުތައް ހިމެނޭ ފޮތްތަކެއް ނެރެފިއެވެ.
ލަންކާގައި ހުންނަ އޮސްޓްރޭލިޔާގެ ހައިކޮމިޝަން އަދި ޔޫ.އެން.ޑީ.ޕީއިން ޚަރަދުކޮށްގެން ނެރުނު މިފޮތްތައް ލިޔެފައިވަނީ ޕީޖީ އޮފީހުންނެވެ.
މިފޮތްތަކުގައި ހިމަނާލެވިފައިވަނީ ޖިނާއީ އަދުލުގެ ނިޒާމު ހިނގާ ގޮތުގެ މައުލޫމާތެވެ. އެގޮތުން ބަލާއިރު ކޯޓުގައި ހެކިބަސް އަދާކުރާނެ ގޮތުގެ ފޮތަކާއި ޖިންސީ އަނިޔާގެ ޝިކާރާއަކަށްވާ މީހުންނަށް ޕީޖި އޮފީހުން ފޯރުކޮށްދޭ އެހީތަކާއި އަދި ހަބީރުންގެ ހެކިބަސް ނެގުމުގައި އަމަލުކުރާނެ ގޮތް މިފޮތުގައި ބަޔާންކޮށްފައިވެއެވެ. އަދި ކުޑަކުދިންގެ އަދުލުގެ ނިޒާމުގައި ޕީޖީގެ ދައުރާއި އަދި ނަސޭހަތުގެ އެއްބަސްވުމާއި އިއުތިރާފްގެ އެއްބަސްވުމުގައި އަމަލުކުރާނެ ގޮތުގެ މައުލޫމާތުތައް ހިމެނޭ ދެ ފޮތެއް އޭގެތެރޭގައި ހިމެނެއެވެ.
ޖުމްލަ ހަފޮތް ހިމެނޭހެން ނެރުނު މިފޮތްތަކުގެ ޕީޑީއެފް ފައިލް ޕީޖީ އޮފީހުގެ ވެބްސައިޓުން ޑައުންލޯޑް ކުރެވޭނެއެވެ.
