ފުލުހުން ބަލަމުންގެންދާ މައްސަލައެއްގެ ތަހުޤީގަށް މީހަކު ހޯދުމަށް އާންމުކޮށްފިއެވެ.
ފުލުހުން ވިދާޅުވި ގޮތުގައި ކުޑަހުވަދޫ ޕޮލިސް ސްޓޭޝަނަށް ހުށަހެޅި ތަހުގީގު ކުރަމުންދާ މަކަރާއި ހީލަތުގެ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓް ރައްދުކުރެވިފައިނުވާތީ އާއި އާއިލާއަށްވެސް އުޅޭ ވަކިތަނެއް އެނގިފައިނުވާތީ، ޖިނާއީ މައްސަލަތައް ތަހުގީގު ކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ ދަށުން ތަހުގީގަށް ހާޒިރުވުމަށް އަންގާ ކަމަށެވެ.
އެ މީހާގެ ފޮޓޯ އާއި ވަނަވަރު ފުލުހުން ވަނީ އާންމުކޮށްފައެވެ. އެގޮތުން ފުލުހުން ހޯދަން ބޭނުން ވެގެން އިއުލާންކޮށްފައިވަނީ މ.ނަލަހިޔާ މަންޒިލް، މުހައްމަދު ނަބީލް (30) އެވެ.
އެހެންކަމުން 15 ނޮވެމްބަރ 2021 ވަނަ ދުވަހުގެ މެންދުރު 12:00 އަށް ދ.ކުޑަހުވަދޫ ޕޮލިސް ސްޓޭޝަނަށް ހާޒިރުވުމަށް އޭނައަށް ވަނީ އަންގާފައެވެ.
