ރާއްޖޭގެ ނޫސްތަކުގައި ރައްޔިތުންގެ މަޖިލީހުގެ ދިއްގަރު ދާއިރާގެ މެމްބަރު އިކްރާމް ހަސަންގެ ޚަބަރުތައް ލިޔެފަ ހުންނައިރު އަބަދު އެއް ފޮޓޯއެއް ބޭނުންކޮށްފައި ހުންނާތީ އެކަމާ މެމްބަރު އިކްރާމް ކަންބޮޑުވުން ފާޅުކޮށްފިއެވެ.
އިކްރާމް މިއަދު ކުރެއްވި ޓްވީޓެއްގައި ވިދާޅުވެފައިވަނީ ނޫސްތަކުގައި އޭނަގެ ޚަބަރު ގެނެސްދީފައި ހުންނައިރު އަބަދު އެއް ފޮޓޯއެއް ބޭނުންކުރާކަން ފާހަނގަ ކުރެވޭ ކަމަށާއި އެގޮތަށް އެކަން ނުކޮށް، ރިޕީޓް ނުވާނެގޮތަކަށް ނޫސްތަކުގައި ފޮޓޯ ބޭނުން ކުރެއްވުމަށް އިކްރާމް އިލްތިމާސްކުރެއްވިއެވެ.
އިކްރާމްއަކީ ރައްޔިތުންގެ މަޖުލީހަށް އަލަށް އިންތިޚާބުވި ބޭފުޅަކަށްވާތީ އޭނަގެ އެހާގިނަ ފޮޓޯ ނޫސްވެރިންނަށް ލިބިފައި ނުވާނެތީ އިތުރު ފޮޓޯ ބޭނުންވާނަމަ އޭނައަށް މެސެޖް ކުރުމަށް ވަނީ އެދިފައެވެ. މަޖުލީހަށް އަލަށް ހޮވުނު މެމްބަރަކާ އަޅާ ބަލާއިރު އިކުރާމްގެ ޚަބަރުތައް ނޫސްތަކުގައި މަދެއް ނޫނެވެ.
އިކްރާމްއަކީ މިސަރުކާރަށް ތާއީދުކުރާ މެމްބަރަކަށް ވުމާއެކު ރައްޔިތުންގެ މަޖުލީހުގެ މިއަދުގެ ޖަލްސާގައިވެސް އިކްރާމް ވަނީ އިދިކޮޅު މީހުން ކުރިޔަށް ގެންދާ އިންޑިޔާ އައުޓް ހަރަކާތަށް ފާޅުގައި ފާޑުކިޔާފައެވެ.
