މިއަދު މީސްމީޑިއާގައި ދައުރުވަމުންދިޔަ ކުޑަކުއްޖަކަށް އަނިޔާކުރާ ވީޑިއޯ ދައުރު ނުކުރުމަށް ޗައިލްޑް އެންޑް ފެމިލީ ޕރޮޓެކްޝަން ސަރވިސަސް އެދިއްޖެއެވެ.
އެއިދާރާއިން ބުނީ އުތުރުގެ ރަށެއްގައި ކުޑަކުއްޖަކަށް ގަނާކުރި މައްސަލަ އެއިދާރާގެ ސަމާލުކަމަށް އައިސްފައިވާކަމަށެވެ. އަދި މިނިސްޓްރީ އޮފް އެޑިޔުކޭޝަން އާއި ރަށުގެ ކައުންސިލް އަދި އެރަށުގެ އިޖުތިމާޢީ ބަދަހި މަދަދުވެރިން (އިބަމަ) އާއި ގުޅިގެން މިހާރު މައްސަލަ ބަލަމުން އަންނަކަމަށާ،ދިވެހި ފުލުހުންގެ ޙިދުމަތުން މި މައްސަލަ ތަހުޤީޤު ކުރަމުން އަންނަކަމަށެވެ.
ދައުރުވަމުންދާ ވީޑިއޯއަކީ ކުއްޖާއަށް ފަހުން ވެސް ނަފްސާނީ އަސަރު ކުރާނެ ވީޑއޯ އަކަށްވެފައި އަދި ކުއްޖާގެ ކަރާމާތަށް ގެއްލުންވާ ވީޑިއޯ އަކަށް ވުމުން މީސްމީޑިއާ އަދި އެހެނިހެން މަންސަތަކުގައި މި ވީޑިއޯ އާންމު ނުކުރަމަށް އިލްތިމާސްކުރަމެވެ.
ޗައިލްޑް އެންޑް ފެމިލީ ޕރޮޓެކްޝަން ސަރވިސަސް
ވީޑިއޯ އިން ފެންނަނީ ފުރާވަރުގެ ކުދިންތަކެއް ވެގެން ހަމަ އެ އުމުރުގެ ކުއްޖަކަށް އަނިޔާކުރާ މަންޒަރެވެ. އަދި އެކުއްޖާ ރޯ އަޑުވެސް އިވެއެވެ. ކައިރީގައި ތިބި ކުދިން އެކުއްޖާ އާދިމާލަށް އެއްޗެހިޔާ އަޑުވެސް އިވެއެވެ.
