ކުޅުދުއްފުށި ސިޓީއިން ކޯވިޑް19 އަށް މިއަދު ޕޮޒިޓިވްވީ މީހާއާއި އެމީހާގެ ދެ ދަރިންވެސް ކޮވިް 19 އަށް ޕޮޒިޓިވް ވެއްޖެ އެވެ.
މިއަދު ޕޮޒިޓިވް މީހުންނަކީވެސް އެންމެ ފަހުން ކުޅުދުއްފުށިން ފެނުނު ކޮވިޑް ކްލާސްޓަރއާއި ގުޅުންހުރި ދެ މީހުންނެވެ. އެގޮތުން މިދެމީހުންނަކީ އެރަށުން އެންމެ ފަހުން ޕޮޒިޓިވްވި އުމުރުން 34 އަހަރުގެ މީހާގެ ޑައިރެކްޓް ކޮންޓެކްޓުންނެވެ. މި ދެ މީހުންނަކީވެސް ހޯމް ކަރަންޓީނުގައި ބައިތިއްބާފަތިބި ދެ މީހުންނެވެ.
ކޯވިޑްއަށް ޕަޮޒިޓިވްވީ ބަލީގެ އަލާމާތްތައް ހުރެގެން ފްލޫ ކްނިކަށް މިއަދު ދެއްކި 34 އަހަރުގެ އަންހެނެކެވެ. އޭނާގެ ކޮންޓެކްޓްސްގެ ގޮތުގައި ސާމްޕަލްނެގި އޭނާގެ 8 އަހަރުގެ ދަރިފުޅާއި، 13 އަހަރުގެ ދަރިފުޅުވެސް ވަނީ ޕޮޒިޓިވްވެފައެވެ.
އެ ތިންފަރާތްވެސް މިހާރުވަނީ ގޭގައި ކަރަންޓީންކޮށްފައެވެ.
މި ކޭސްތަކާ ގުޅިގެން ކޮންޓެކްޓް ޓްރޭސިންގެ މަސައްކަތާއި، ސާމްޕަލް ނެގުމުގެ މަސައްކަތްދަނީ ކުރަމުންނެވެ. އެގޮތުން މިހާތަނަށް ކޮންޓެކްޓްސްގެ 9 ސާމްޕަލް ނަގާފައިވާއިރު، 25 ކޮންޓެކްޓް ވަނީ އައިޑެންޓިފައި ކުރެވިފައެވެ. އަދި 8 ގެއެއްވަނީ މޮނިޓަރިންއަށް ލާފައެވެ.
ކުޅުދުއްފުށި މިވަގުތު އޮތީ މިނިޓަރިންގައެވެ. މި މަހުގެ 2 ވަނަ ދުވަހު ކުޅުދުއްފުށިން 3 މީހަކު ޕޮޒިޓިވްވުމާ ގުޅިގެން މޮނިޓަރިންއަށް ލުމަށްފަހު އެހާލަތުން ނެގީ މިމަހުގެ 9 ވަނަ ދުވަހުއެވެ.
