ކްރިމިނަލް ކޯޓުގެ ގާޒީ ޞަފްވަތު ޙަބީބްގެ ސުލޫކީ މައްސަލައެއް ޖުޑީޝަލް ސަރވިސް ކޮމިޝަނުން ބަލަން ފަށައިފިއެވެ.
ޖޭއެސްސީން މިއަދު ވިދާޅުވީ ކްރިމިނަލް ކޯޓުގެ ގާޒީ ޞަފްވަތު ޙަބީބްގެ ސުލޫކީ މައްސަލައެއް ބަލަން އެކޮމިޝަނުން ނިންމާފައިވާ ކަމަށާއި މިހިނގާ ނޮވެމްބަރ މަހު 16 ވަނަ ދުވަހު ބޭއްވުނު އެކޮމިޝަނުގެ 82 ވަނަ ޖަލްސާގައި ޞަފްވަތު ޙަބީބްގެ މައްސަލަ ބެލުމަށް ކޮމިޓީއެއް އެކުލަވާލާފައިވާ ކަމަށެވެ.
އެމައްސަލައިގެ ޚުލާސާ ބަޔާން ހުށަހަޅައި މައްސަލައިގެ އަޑުއެހުން ނިމިފައިވީ ނަމަވެސް ޖިނާޢީ އިޖުރާއަތުގެ ޤާނޫނުގައި ބަޔާންކޮށްފައިވާ ފަދައިން މައްސަލައިގެ ޙުކުމް ކުރުމުގެ މަޖިލިސް ބާއްވަވާފައި ނުވާ ކަމަށް އެކޮމިޝަނުން ވަނީ ބުނެފައެވެ.
