ރޭ އެމްޑީޕީން ބޭއްވި ބޮޑު ޖަލްސާގައި ޑރ. މުހައްމަދު މުއިއްޒުއާއި ގުޅިގެން ދެންނެވީ ކުޑަ އެއްޗެއް ކަމަށް އަދާލަތު ޕާޓީގެ ރައީސް ޝައިޚް އިމާރަން ވިދާޅުވެއްޖެއެވެ.
ޝައިޚް އިމްރާން މިކަން ހާމަކޮށްފައިވަނީ މިއަދު ކުރެއްވި ޓްވީޓެއްގައެވެ.
މި ޓްވީޓުގައި އިމްރާން ވިދާޅުވީ ރޭގެ އެމްޑީޕީގެ ބޮޑު ޖަލްސާގައި މުއިއްޒުއާއި ގުޅިގެން ދެއްކެވި ވާހަތަކާއި ގުޅިގެން ގިނަ ބަޔަކު ގުޅުއްވާ މެސެޖުކުރަމުން އަންނަ ކަމަށާއި ރޭގެ ޖަލްސާގައި މުއިއްޒުއާއި ގުޅިގެން ދެންނެވީ ކުޑަ އެއްޗެއްކަމަށެވެ.
އަދި ރޭގެ ޖަލްސާގައި މުއިއްޒުއާއި ގުޅޭގޮތުން ދެންނެވި ވާހަތަކަކީ އެމަނިކުފާނަށް މުއިއްޒު ކޮންމެވެސް ވަރަކަށް އެނގޭތީ ދެއްކި ވާހަކަތަކެއް ކަމަށްވެސް އިމްރާން ވިދާޅުވިއެވެ. އަދި އެނގޭ މީހުން ނޭންގޭ މީހުންނަށް ބުނެދިނުމަކީ އޮތްކަމެއް ކަމެއް ކަމަށް ވެސް އިމްރާންގެ ވާހަކައިގައި ވަނީ ފާހަގަކުރައްވާފައެވެ.
“ ރޭގެ ޖަލްސާގެ ފަހުން އަޅުގަނޑަށް ވަރަށް ގިނަ ބޭފުޅުން ގުޅުއްވާ މެސެޖުކޮސް ހައްދަވާތީ ދަންނަވަމެވެ. އަޅުގަނޑު ޑރ. މުއިއްޒުއާއި ބެހޭގޮތުން ކުޑަ އެއްޗެއް މި ބުނެލީ. އަޅުގަނޑަށް ޑރ. މުއިއްޒު ފުދޭވަރަކަށް އެނގޭތީ. އެންގޭ މީހުން ނޭންގޭ މީހުންނަށް ބުނެދިނުމަކީ އޮތްކަަމަށް ވާތީ.“ އިމްރާނުގެ ޓްވީޓުގައި ވިދާޅުވެފައިވެއެވެ.
ރޭގެ ޖަލްސާގައި އިމްރާން ވަނީ މުއިއްޒުއަށް ވަރަށް ބޮޑަށް ފާޑުވިދާޅުވެ ވާހަކަދައްވާފައެވެ. އެގޮތުން ޑރ. މުޙައްމަދު މުއިއްޒުގެ ސިޔާސީ ވަރަފެޅީ އަދާލަތު ޕާޓީގެ ހާލީގައި އޮވެގެން ކައިބޮއިގެންކަމަށް ވިދާޅުވިއެވެ.
