ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު، ކުރީގެ ރައީސް ޑޮކްޓަރ މުޙައްމަދު ވަޙީދު ޙަސަންއާ ބައްދަލުކުރައްވައިފިއެވެ.
މި ބައްދަލުކުރެއްވުން އޮތީ މިއަދު މެންދުރުފަހު ރައީސުލްޖުމްހޫރިއްޔާގެ އޮފީހުގައެވެ.
މި ބައްދަލުކުރެއްވުމުގައި ސިޔާސީ އަދި އިޖުތިމާޢީ ކަންކަމާ ގުޅޭގޮތުންނާއި ތަރައްޤީގެ އެކިއެކި މަޝްރޫޢުތަކާއި ޤައުމާއި ރައްޔިތުންގެ ލާބައަށް ކުރެވޭ އެހެން މަސައްކަތްތަކާ ގުޅޭގޮތުން ދެ ބޭފުޅުން މަޝްވަރާ ކުރެއްވިއެވެ.
ރައީސް މުޢިއްޒު އިއްޔެ ރައީސް މައުމޫން ޢަބްދުލްޤައްޔޫމާއި ވެސް ބައްދަލުކުރެއްވިއެވެ. ދެ ރައީސުން މަޝްވަރާ ކުރެއްވީ، ރާއްޖޭގެ ސިޔާސީ، އަދި އިޖްތިމާޢީ ކަންކަމާއި ގުޅޭގޮތުން ކަމަށް ރައީސް އޮފީހުން އިއްޔެ ބުންޏެވެ. މީގެ ކުރިންވެސް ރައީސް މުޢިއްޒު ވަނީ، ސިޔާސީ ޕާޓީތަކުގެ ލީޑަރުންނާއި، ރައީސް އޮފީހުގައި މަޝްވަރާ ކުރައްވައިފައެވެ.
