ސަރުކާރާ އިދިކޮޅު ކެނޑިޑޭޓުން ހޮވިއްޖެނަމަ ސަރުކާރުގެ މަޝްރޫއުތަކަށް ހުރަސް އަޅާނެކަމްށާއި އޭރުން އިތުރަށް ކުރަން ޖެހޭ ހަނގުރާމަ ބޮޑުވެގެންދާނޭ ކަމަށް ސަރުކާރުގެ ކޮންގްރެސް ޕާޓީގެ ޓިކެޓްގައި ވާދަ ކުރައްވާ އައިޝަތު އާޒިމާ ޝަކޫރު ވިދާޅުވެއްޖެވެ.
އާޒިމާގެ ކެންޕެއިން ހަރަކާތުގެ ތެރެއިން މިއަދު މާލޭގައި ބޭއްވި ސައިކަލު ބުރަށް ފަހު ބައިވެރިންނާ މުޚާތަބު ކުރައްވާ ދެއްކެވި ވާހަކަފުޅުގައި އާޒިމާ ވިދާޅުވީ ސަރުކާރާ އިދިކޮޅު ކެނޑިޑޭޓުން ހޮވިއްޖެނަމަ ސަރުކާރުގެ މަޝްރޫއުތަކަށް ހުރަސް އަޅާނެކަމްށާއި އޭރުން އިތުރަށް ކުރަން ޖެހޭ ހަނގުރާމަ ބޮޑުވެގެންދާނޭ ކަމަށެވެ.
އަދި މިކުރަނީ ގައުމީ ޖިހާދެއް ކަމަށާއި މި ޖިހާދުން ކުރި ނުލިބިއްޖެ ނަމަ މާލޭ ސަރަހައްދަށް އެންމެ މުހިންމު މައްސަލަ ކަމަށްވާ ބޯހިޔާވެހިކަމުގެ މައްސަލައާ ސަރުކާރު ދެކޮޅު ކެނޑިޑޭޓުން ދެކޮޅު ހައްދަވަމުންދާ ކަަމަށް އާޒިމާ ވިދާޅުވިއެވެ.
އަދި މިހާރު ކުރަމުން މިދާ މަސައްކަތުގައި، ރަައީސް ޑރ. މުޢިއްޒު ކުރައްވަމުން ގެންދަވާ މަސައްކަތުގައި ހުރަސް އަޅާނެ ބަޔަކު މާލޭގެ މޭޔަރު ކަަމަށް ގެނެވިއްޖެ ނަމަ ރާއްޖޭގެ ކުރިއެރުމާއި ތަަރައްޤީއަށް ހުރަސްތަކެއް ކުރިމަތިވާނެކަމަށް އާޒިމާ ވިދާޅުވިއެވެ.
އާޒިމާ ވިދާޅުވީ ހޮނިހިރު ދުވަހު ނެގޭ ވޯޓަކީ ވަރަށް މުހިންމު ވޯޓެއް ކަމަށާއި އެ ވޯޓަކީ ޤައުމިއްޔަތާ ގުޅިފައިވާ ވޯޓެއް ކަމަށެވެ.
އާޒިމާ އިތުރަށް ވިދާޅުވީ، ދިވެހިންނަށް ނުކުރެވޭނެ އަދި ކޮށްގެން ނުވާނެ ކަމަކީ ދިވެހި ރާއްޖެއާ ދެކޮޅަށް ވާހަކަ ދެއްކުން ކަމަށާއި ނަމަވެސް މިއަދު އެމްޑީޕީން އެކަން ކުރަމުންދާ ކަމަށެވެ.
