އެއްވެސް އިންސާނަކީ ގެއްލިފައިވާ އިންސާނެއްނޫނެވެ. ނުކުޅެދުންތެރިއެއްވެސް ނުމެ ނޫންމެއެވެ. މިދުނިޔޭގައިވާ ކޮންމެ މަޚްލޫޤަކީވެސް އެމަޚްލޫގެއް ހެއްދެވި ފަރާތެއްވާ މަޚްލޫޤެކެވެ. ނިކަން ވިސްނާލަބަލާށެވެ. ތިބާ ލައްވާފައިވަނީ ފޮތެއްގެ ތެރޭގައެވެ. އެފޮތުން ފިލާވަޅެއް ދަސްކޮއްލުން ކިއެއްތޯއެވެ. އެއިރުން ތިބާއަށް ތިބާއަކީ ކާކުކަން އެނގި ހާމަ ވެދާނެއެވެ.
ހަމަކަށަވަރުން ތިބާ މިބިމުގައި ލެއްވިފަރާތެއް ވާނެއެވެ. އެފަރާތާއިއެކު ތިބާ ވާނަމަ ތިބާޔަށް ދެދުނިޔޭގެ ސުވަރުގެ ޙާޞިލްވީސްކަން ކަށަވަރެވެ. ނަމަވެސް، އަހަރެމެން އިންސާނުންނަކީ ބޮޑާކަމާއި ކިބުރުވެރިކަން އިސްކުރާ ބަޔަކަށްވާތީ އެފަދަ ލޯތްބެއް ހިތުތެރެއަކު ހަރުލާފައެއް ނުހުރެއެވެ. ކެތްތެރިވާކަން ނޭގެއެވެ. އަހަރެމެންނަށް ފެންނަނީ އަވާމެންދުރެއްފަދަ މަންޒަރުތަކެވެ. އޭގެއަވައިގައި ޖެހި ދުނިޔޭގެ ޙަޤީޤީ ރީތިކަމާއި އަހަރެމެން އިންސާނުންވަނީ ދުރުވެފައެވެ.
ކޮންމެ އިންސާނަކުވެސް ބޭނުންވަނީ ލޯތްބެވެ. އުފަލާއި އަރާމެވެ. އެކަމަކު، އިންސާނާއަށް އޭނާގެ އެތެރެއިން އެހޯދައިގަންނާކަށް ނޭގެއެވެ. ނަފްސާއިއެކު ވަގުތު ހޭދަކުރުންވަނީ ފޫހިކަމަކަށެވެ. ތިމާ، ތިމާއަށް ލޯބި ބޭނުންވާ ފަދައިން އަނެކުންދެކެ ލޯބިވާކަށް ނޭގެއެވެ. ހަމަކަށަވަރުން އިންސާނާވަނީ ގެއްލުމާއި ހަލާކުގެތެރޭގައެވެ. ތިމާއަށް ތިމާ އެނގިއްޖެއުމަށް ދާންދެނެވެ.
އިންސާނާއެވެ، ކެތްތެރިވާށެވެ. ދުނިޔޭގައި ތިބާ ވާހާއި ދުވަހަކު ތިބާއަށް ތިބާ ބޭނުންނުވާ ވަރަށްގިނަ ކަންތައްތަކާއި ކުރިމަތިލާން ޖެހޭނެއެވެ. ނިކަން އުފަލުން، ހުރިހާކަމެއް ބަލަން ކެރޭފަދަ އިންސާނަކަށް ތިބާވާށެވެ. ގިނަ ވަގުތު ހަނު ހުންނަން ދަސްކުރާށެވެ.
ކުށެއް ކުރެވިއްޖެނަމަ އެކުށުން ޢިބްރަތެއް ޙާޞިލްކުރާށެވެ. އަދި ތިބާގެ ދޫ ރައްކައުތެރި ކުރާށެވެ. ދިމާވާ ކޮންމެކަމަކާއި ފިސާރި ކެރިގެން ކުރިމަތިލާށެވެ. ތިބާ ތިޔަވަނީ ދަތުރެއްގެ މަތީގައިކަން އަބަދުވެސް ހަނދާން ބަހައްޓާށެވެ.
ތިބާގެ ތިޔަ ދަތުރަކީ އަމާން ދަތުރަކަށް ވާންބޭނުންނަމަ، ތިޔަ ދަތުރުގެ މަންޒިލަކީ ތިބާ ހެއްދެވި ފަރާތްކަމުގައި ވިސްނާށެވެ. ހުރިހާ ވަގުތެއްގައިވެސް އެފަރާތާއިއެކު ތިބާ ވާށެވެ. އެފަރާތުން އެންމެ ހިނދުކޮޅަކަށްވެސް ތިބާ ދޫކޮށެއް ނުލައްވާނެއެވެ.
މިތިބަ ނުވިސްނޭ އިންސާނުންނޭވެ، ނިކަން ވިސްނާ ފިކުރުކޮށްލަބަލާށެވެ. ޙަޔާތަކީ ކުރުއެއްޗެކެވެ. މާދަމާ ވާނޭގޮތެއް ހަމަ އެކަކަށްވެސް ނޭނގޭނެއެވެ. ހަށިގަނޑާއި ފުރާނަ ވަކިވެގެން ދާނެކަން ގައިމެވެ. އެއީ ކޮން ދުވަހެއްގެ ކޮން ވަގުތެއްގައިކަން އަހަރެމެން އިންސާނުންނަކަށް ނޭންގޭނެއެވެ.
