ރައްޔިތުންގެ މަޖިލީހުގެ އިންތިހާބުގައި ވޯޓުލުމަށް ، ރާއްޖެއިން ބޭރުގައި ތިބެ ވޯޓުލުމަށް ރެޖިސްޓްރީކުރުމަށް ހުޅުވާލި ފުރުސަތުގައި 1338 މީހަކު ރެޖިސްޓްރީވެފައިވާ ކަމަށް އިލެކްޝަންސް ކޮމިޝަނުން ބުނެފިއެވެ. 
އިލެކްޝަންސްއިން ހާމަކޮށްފައިވާގޮތުން އެޕްރިލް މަހުގެ 21 ވަނަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީޙުގެ އިންތިހާބުގައި ވޯޓުލުމަށް އެދޭ ފަރާތްތަކުގެ ތެރެއިން ބޭރު ގައުމުތަކުގައި ތިއްބެވި ފަރާތްތަކަށް އެ ފުރުސަތު ފަހިކުރުމުގެ ގޮތުން ރެޖިސްޓްރީގެ ފުރުސަތު ހުޅުވާލާފައިވާކަމަށެވެ. އަދި ބޭރު ގައުމުތަކުގައި ބެހެއްޓުމަށް ކަނޑައެޅިފައިވަނީ ޖުމުލަކޮށް 6 ފޮއްޓެވެ.
އީސީން ބުނެފައިވާގޮތުން އިންޑިގާއި ތިއްބެވި މީހުންގެ ތެރެއިން މި އިންތިހާބުގައި ވޯޓުލުމަށް 150 މީހަކު ރެޖިސްޓްރީ ކޮށްފައިވެއެވެ. އަދި މެލޭޝިއާގައި 702 މީހަކު ރީރަޖިސްޓްރީ ކޮށްފައިވާއިރު ލަންކާގައި 306މީހަން ވަނީ ރީރަޖިސްޓްރީ ކޮށްފައެވެ.
މީގެއިތުރުން ތައިލެންޑުގައި 16 މީހަކާއި އިނގިރޭސިވިލާތުގައި 124 މީހުންނާއި ޔޫއޭއީގައި ތިބި 31 މީހަކު ރީރަޖިސްޓްރީ ކޮށްފައިވާ ކަމަށް އީސީން ވަނީ ބުނެފައެވެ.
