ކަނޑުމަތީގެ ހާދިސާއެއްގައި މީހަކު މަރުވެއްޖެ

މޫސުމް ގޯސްވެ ކަނޑުދަތުރުކުރައްވާ ފަރާތްތަކުން މޫސުމަށް ސަމާލުވުމަށް ކަމާބެހޭ ފަރާތްތަކުން އިލްތިމާސް ކުރައްވާފައިވާ މި ދަނޑިވަޅުގައި 17 މީހުންނާއި އެކު ދަތުރުކުރި ސަފާރީއެއް ބަންޑުންޖަހާލައި، އެކަކު މަރުވެއްޖެއެވެ.

އައިޖީއެމްއެޗުން މައުލޫމާތުދެއްވި ގޮތުގައި ސަފާރީން ދަތުރުކުރި 7 މީހަކު ހާލު ދެރެވެގެން އައިޖީއެމް ހޮސްޕިޓަލަށް ގެންގޮސްފައެވެ. އަދި އެ ހަތް މީހުންގެ ތެރެއިން އެކަކު ނިޔާވެފައިވާކަމަށް ވެސް އައިޖީއެމްއެޗުން މައުލޫމާތު ދެއްވަ އެވެ.

އެމްއެންޑީއެފުން މައުލޫމާތު ދެއްވި ގޮތުގައި ބޮލިފުށި ކައިރިން މާލެ އަށް ދަތުރު ކުރަމުންދިޔަ ސަފާރީއެއް، މޫސުމް ގޯސްވުމުގެ ސަބަބުން ވަނީ އަޑިއަށް ގޮސްފަ އެވެ.
”ހޭންޑީ ކުރޫސާ “ ނަމަކަށް ކިޔާ މި ސަފާރީގައި 17 މީހުން ދަތުރުކުރި ކަމަށާއި، އެގޭ ތެރެއިން 7 މީހަކު ހާލު ދެރަވުމާއި ގުޅިގެން އައިޖީއެމްއެޗަށް ގެންގޮސްފައިވާކަމަށް ވެސް އެމްއެންޑީއެފުން މައުލޫމާތު ދެއްވަ އެވެ.

މިހާރު ރާއްޖެއަށް ކުރަމުންދާ ވިއްސާރައިގައި މިއަދު ވައިގަދަވެ ކަނޑުތައް ގަދަވާނެކަމަށް ލަފާކޮށް މޫސުމާއިބެހޭ ޤައުމީ އިދާރާއިން ވަނީ އޮރެންޖް ސަމާލުވެސް ނެރެފައެވެ. އެގޮތުން ނ އަތޮޅުންފެށިގެން ދ އަތޮޅަށް ވަނީ އޮރެންޖް އެލާޓް ނެރެފައެވެ.

އޭގެ ފަހުން މޫސުމާ ބެހޭ ޤައުމީ އިދާރާއިން ޔެލޯ އެލާޓު ނެރެފައިވަނީ މިއަދު މެންދުރު 12:15 އިން ފެށިގެން 16:30 އަށް ޔެލޯ އެލާޓް ނެރެފައިވަނީ ހއ.އަތޮޅުން ފެށިގެން ތ. އަތޮޅާއި ހަމައަށް ށެވެ.

މޫސުމާއިބެހޭ ޤައުމީ އިދާރާއިން ހާމަކުރެއްވި ގޮތުގައި އެލާޓްގެ ގަޑީގައި ބޯކޮށް ވާރޭވެހި، ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައި ޖެހި، ވިލާގަނޑުގައި ގަޑިއަކު 50 މޭލަށް ވައި ގަދަވާނެ ކަމަށްވެސް ވަނީ ލަފާކުރައްވާފައެވެ. އަދި ކަނޑުތައް ގަދަވެ އުދަ އަރާނެ ކަމަށްވެސް މޫސުމާއިބެހޭ ޤައުމީ އިދާރާއިން ލަފާކުރައްވައެވެ.
އަދި ކަނޑުތައް ގަދަވެ އުދަ އަރާނެ ކަމަށްވެސް މޫސުމާއިބެހޭ ޤައުމީ އިދާރާއިން ލަފާކުރައްވައެވެ.