ދިވެހި ރައްޔިތުންގެ ޚިޔާލާއި މަޝްވަރާއާއި އެކުގައި ރައްޔިތުން ބޭނުންވާ ބަދަލުތައް ގެނެސްދެއްވަމުން ގެންދަވާ މަންޒަރު ފެންނަމުންދާކަމުގައި ރައްޔިތުންގެ މަޖިލީހުގެ ފުނަދޫ ދާއިރާމެ މެންބަރު މުޙައްމަދު މަމްދޫޙް ވިދާޅުވެއްޖެއެވެ.
ލޯކަލްކައުންސިލް އިންތިޚާބުގައި މާލެ ސިޓީއަށް ވާދަކުރައްވާ ކެންޑީޑޭޓުންގެ ކެމްޕެއިން ޖަލްސާއެއްގައި ވާހަކަފުޅުދައްކަވަމުން މަމްދޫޙް ވިދާޅުވީ އަވަހަށް ނިންމޭ ކަންކަން އަވަހަށް ނިންމަމުން ދާތަން ފެންނަކަމުގައެވެ. އަދި ލަހުން ނިމޭ ކަންކަން އަވަހަށް ނިންމުމަށް މުޅި ސަރުކާރު ތެރޭން މަސައްކަތް ކުރައްވަމުން ގެންދާތަން ފެންނަ ކަމުގައެވެ.
މަމްދޫޙް ވިދާޅުވީ ނަތީޖާ އަޅުގަނޑުމެންނަށް އެބަފެންނަކަމަށާއި، ރައްޔިތުން އެދޭ ބަދަލުތައް ގެނެވޭތަންވެސް ފެންނަމުންދާކަމުގައެވެ.
“ އަޅުގަނޑުމެންނަށ ތަފާތު ވެރިން ފެނިއްޖެ. މިގޮތަށް ރައްޔިތުންނާއި ގާތުން ކައުންސިލްތަކާ ގާތުން. ޑަބްލިޔޫޑީސީ ތަކާ ގާތުން. މަސައްކަތްކުރި އެއްވެސް ސަރުކާރެއް އެއްވެސް ރައީސެއް އަޅުގަނޑުމެން ނަށް މިއަދާއި ހިސާބަށް އައިއިރުވެސް ފެނިފައެއް ނެތް“ ފުނަދޫ ދާއިރާގެ މެމްބަރު މުޙައްމަދު މަމްދޫޙް ވިދާޅުވިއެވެ.
މަމްދޫހް ވިދާޅުވީ ރައީސުލްޖުމްހޫރިއްޔާ ޑރ މުޙައްމަދު މުޢިއްޒުގެ ސަރުކާރަށް ދެއަހަރު ނުވަނިސް ދިވެހިރާއްޖޭގެ ހުރިހާ ކައުންސިލް ތަކަކާއި ޑަބްލިޔޫ ޑީސީ ހުރިހާ މެމްބަރުންނާ ބައްދަލުކުރައްވާފައިވާކަމުގައެވެ. ދިވެހިރާއްޖޭގެ ހުރިހާ ރަށެއްގެ ހުރިހާ ރައްޔުތުންގެ އިތުރުން މާލޭގެ ހުރިހާ އަވަށެއްގެ ރައްޔުތުންނާ ބައްދަލުކުރެއްވި މަންޒަރު އަޅުގަނޑުމެމްނަށް ފެނިފައިވާކަމަށްވެސް މަމްދޫޙް ވިދާޅުވިއެވެ.
”ރައްޔިތުން އެދޭ ކަންތައްތައް އެ ރައްޔިތުންގެ ފަރާތުން އޮޅުން ފިލުވި މަންޒަރު އަޅުގަނޑުމެންނަށް ފެނިއްޖެ. މިއީ މާޒީން އަޅުގަނޑުމެންނަށް ފެނުން ކަންކަމެއްނޫން.“ ފުނަދޫ ދާއިރާގެ މެމްބަރު މުޙައްމަދު މަމްދޫޙް ވިދާޅުވިއެވެ.
މަމްދޫހް ވިދާޅުވީ ރައްޔިތުންގެ ފަރާތުން ލިބޭ ޚިޔާލާ މަޝްވަރާޔާ އެކު ރައްޔިތުން އެދޭ ކަންތައްތައް ސަރުކާރުގެ ތެރެއިން ޚާޞިލްކޮށްދިނުމަށް މިއަދުގެ ރައީސުލްޖުމްހޫރިއްޔާގެ އިތުރުން މުޅި ސަރުކާރު ކޮށްދެއްވަމުން ގެންދަވާ މަސައްކަތްޕުޅަކީ ކޮންމެ ރަށެއްގެ އަދި ޚާއްޞަކޮށް މި މާލޭގެ ލޮބުވެތި ރައްޔިތުންވެސް ޤަބޫލުކުރައްވާނެ ކަމެއް ކަމަށާއި، ނަތީޖާ ނެރެދެއްވަމުން ގެންދަވާ މަންޒަދު ދިވެހިރައްޔިތުންނަށް ފެންނަމުން ދާކަމުގައެވެ.
