ދިވެހިރާއްޖެ އާއި ޗައިނާއާ ދެޤާއުމުގެ ދެމެދުގައި ދެޤައުމުގެ ފައިސާއިން މުޢާމަލާތުކުރަން ފެށުމުން، ޗައިނާއިން ދިވެހިރާއްޖެއަށް އަންނަ ފަތުރުވެރިންގެ ޢަދަދު ދުވަހެއް ދުހަހަކަށް އިތުރުވެގެންދާނެކަމުގައި ފަތުރުވެރިކަމާ ބެހޭ ވަޒީރު އިބްރާހީމް ފައިސަލް ވިދާޅުވެއްޖެއެވެ.
ޗައިނާއަކީ ރާއްޖެއަށް އެންމެ ގިނަ ފަޠުރުވެރިން އަންނަސް އެއް ޤަމުމެއްކައުގައިވާއިރު، މިނިސްޓަރ ފައިސަލް ވިދާޅުވީ ރާއްޖެއާ ޗައިނާއާ ދެމެދު ދެޤަޢުމުގެ ފައިސާއިން މުޢާމަލާތް ކުރަން ފެށުމުން ފަތުރުވެރިކަމުން ރާއްޖެއަށް ކުރާ މަންފާ ވަރަށް ބޮޑަށް އިތުރުވެގެންދާނެކަމުގައެވެ.
ޔޫއެސް ޑޮލަރަށް ބަރޯށަ ނުވެ ދިވެހި ފައިސާގެ އަގުއުފުލިގެންދާނެ މި އެއްސްވުމުގެ ދަށުން މުޢާމަލާތު ކުރުމަށް ރާއްޖެއާއި ޗައިނާގެ ޕީޕަލްސް ބޭންކް އޮފް ޗައިނާ، ޕީބީއޯސީއާއި ދެމެދު އެއްބަސްވެފައިވަނީ ކަރަންޓް އެކައުންޓް މުޢާމަލާތްތައް ދެ ޤައުމުގެ ފައިސާއިން، ކުރެވޭނެގޮތަށެވެ.
Local Currency Settlement framework agreement marks an important milestone on HEP's policy on strengthening economic ties with China.
This will make payments easier for Chinese tourists, boost arrivals and benefit the tourism sector and industries reliant on trade with China. pic.twitter.com/XP1MhQHz3j— Ibrahim Faisal (@ifaisalofficial) September 13, 2024
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަހަރުގެ ޖަނަވަރީ މަހު ޗައިނާއަށް ކުރެއްވި ފުރަމާނަ ދަތުރުފުޅުގެ ސަބަބުން ދިވެހިރާއްޖެއާ ޗައިނާއާ ދެމެދު އޮތް ގުޅުން އިތުރަށްވަނީ ބަދަހިވެގެންގޮސްފައެވެ. އަދި އެ ދަތުރުފުޅުގައި ޗައިނާގެ ރައީސް ޝީޖިންޕިންގއާއެކު ބޭއްވި މަޝްވަރާތަކުގައި ދިވެހިރާއްޖެއާއި ޗައިނާއާ ދެމެދު އިސްތިރާޖީ އެއްބާރުލުމުގެ ގުޅުން އިތުރަށް ހަރުދަނާކޮށް ދެޤައުމުގެ މެދުގައި އިޤްތިޞާދީ އެއްބާރުލުން އިތުރަށް ފުޅާކުރުމަށްވަނީ އެއްބަސްވެވަޑައިގެންފައެވެ.
މިނިސްޓަރ އިބްރާހީމް ފައިސަލް ސޯޝަލް މީޑީއާގައި ކުރެއްވި ޕޯސްޓެއްގައި ވިދާޅުވެފައިވަނީ ރާއްޖެއަށް އެންމެ ގިނައިން ފަތުރުވެރިން އަންނަ ޤައުމުގެ އިތުރުން ޗައިނާއަކީ ފަތުރުވެރިކަމާ ގުޅުންހުރި ވަރަށް ގިނަ ވިޔަފާރީގެ މުޢާމަލާތްތައް ދިވެހިރާއްޖެއިން ކުރާ ޤައުމެއްކަމުގައެވެ. އަދި ޗައިނާއަކީ ވިޔަފާރިތަކަށް ބޭނުންވާ ވަރަށް ގިނަ މުދަލުގެ މުއާމަލާތްތައް ކުރާ ޤައުމެއްކަމަށްވެސް މިނިސްޓަރ ފައިސަލް ވިދާޅުވިއެވެ.
ރާއްޖޭގެ ފަތުރުވެރިކަމާ ގުޅޭ އެންމެފަހުގެ ތަފާސްހިސާބުތައް ދައްކާގޮތުގައި މިއަހަރުގެ މިހާތަނަށް ރާއްޖެއަށް ޒިޔާރަތްކުރި ފަތުރުވެރިންގެ އަދަދު ވަނީ 1.4 މިލިއަނަށް އަރާފައެވެ. އަދި މިއަހަރު މިހާތަނަށް އެންމެ ގިނައިން ފަތުރުވެރިން ރާއްޖެއަށް ޒިޔާރަތްކޮށްފައިވަނީ ޗައިނާއިން ކަންވެސް ފާހަގަކުރެވެއެވެ.
