މާލެއަތޮޅު މާފުށީގައި އެހެލާފައި އޮތް ލޯންޗެއްގައި އަލިފާން ރޯވެ، ބޮޑެތި ގެއްލުންތަކެއް ލިބިއްޖެއެވެ.
އެމްއެންޑީއެފުން ވިދާޅުވީ، އެމްއެންޑީއެފް މާލެ އޭރިއާ ކޮމާންޑް އަދި މާފުށި ފަޔަރ ސްޓޭޝަނުން ހަރަކާތްތެރިވެ އަލިފާންގަނޑު ނިއްވާލެވުނީ، މިއަދު ހެނދުނު ގާތްގަނޑަކަށް 10:20 ހާއިރު ކަމުގައެވެ.
މި ހާދިސާގައި އެއްވެސް މީހަކަށް އަނިޔާވި ކަމުގެ މަޢުލޫމާތެއް ލިބިފައި ނުވާކަމަށްވެސް އެމްއެންޑީއެފުން ވިދާޅުވިއެވެ.
މި ލޯންޗަކީ، މާފުށީގައި ގެސްޓްހައުސް ހިންގާ ފަރާތެއްގެ ލޯންޗެކެވެ.
އެމްއެންޑީއެފުން ދަނީ، މިހާދިސާ އިތުރަށް ތަޙުޤީޤު ކުރައްވަމުންނެވެ.
