ފެންނަނީ ތިލަފަތަށް ވޯޓު އެޅުމަށް މުޅި ބ. އަތޮޅު ތައްޔާރަށް އޮތް މަންޒަރު ކަމަށް މޯލްޑިވްސް ޑޮމޮކްރެޓިކް ޕާޓީ (އެމްޑީޕީ)ގެ ކުރީގެ ޗެއާޕާސަން ފައްޔާޒް އިސްމާޢީލް ވިދާޅުވެއްޖެއެވެ.
ފައްޔާޒް ޢިސްމާޢީލް ކުރެއްވި އެކްސް ޕޯސްޓެއްގައި ވިދާޅުވެފައިވަނީ ”ކުޑަރިކިލު، ކިހާދޫ، ކަމަދޫ، ދޮންފަނު، މާޅޮސް، ތުޅާދޫ، ފުޅަދޫ، ފެހެންދޫ، ގޮއިދޫ، ހިތާދޫ، ކެންދޫ އަދި ދަރަވަންދޫއިން ވެސް ފެންނަނީ ތިލަފަތަަށް ވޯޓު އެޅުމަށް މުޅި ބ. އަތޮޅު ތައްޔާރަށް އޮތް މަންޒަރު ކަމުގައެވެ.
ފައްޔާޒް ވިދާޅުވީ ލޯކަލް ކައުންސިލް އިންތިޚާބު ބޯމަތިވެފައިވާ މިދަޑިވަޅުގައި ކައުންސިލް ވޯޓާއެކު ދެ އިންތިހާބު އެއްކޮށްލުމަށް ސަރުކާރުން ހުށަހެޅީ ހީލަތްތެރި ބޭނުމެއްގައިކަން ރައްޔިތުންނަށް ދަނީ ސާފުވަމުންކަމުގައެވެ.
ފައްޔާޒްގެ ޕޯސްޓުގައި ވިދާޅުވެފައިވަނީ ރައީސް މުއިއްޒުގެ މަކަރުވެރި ރޭވުން ހުއްޓުވުމަށް އެ ވޯޓުގައި ވެސް ސަރުކާރަށް ނޫނެކޭ ރައްޔިތުން ބުނާނެކަމުގައެވެ. އަދި އިންތިހާބަށް އެމްޑީޕީގެ ޓިކެޓުގައި ނުކުންނަ ހުރިހާ ކެންޑިޑޭޓުންނަށް ވެސް ކާމިޔާބަށް އެދިލައްވާކަމަށްވެސް ފައްޔާޒު ވިދާޅުވިއެވެ. ”އިރާދުކުރެއްވިއްޔާ އަޅުގަނޑުމެންނަށް ކާމިޔާބު ލިބޭނެ“ ފައްޔާޒްގެ ޕޯސްޓުގައި ވިދާޅުވެފައިވެއެވެ.
