ޤައުމެއްގެ ކާބަފައިން ދޫކޮށްފައިވާ މުހިއްމު އާސާރުތަކަކީ، އެ ޤައުމެއްގެ މޫނުބަލާ ލޯގަނޑު ކަމުގައި މާލެ ސިޓީގެ މޭޔާ އާދަމް އާޒިމް ވިދާޅުވެއްޖެއެވެ.
ބަންޑާރަ މިސްކިތް ތަޅާލައި އެތަނުގައި ބޮޑު މިސްކިތެއް ބިނާކުރުމަށް ސަރުކާރުން އިއުލާންކުރުމާއި ގުޅިގެން މާލެ ސިޓީގެ މޭޔާ އާދަމް އާޒިމް ސޯޝަލް މީޑިއާގައި ޙިއްޞާ ކުރެއްވި ޕޯސްޓެއްގައި ވިދާޅުވެފައިވަނީ ޤައުމެއްގެ ކާބަފައިން ދޫކޮށްފައިވާ މުހިއްމު އާސާރުތަކަކީ، އެ ޤައުމެއްގެ މޫނުބަލާ ލޯގަނޑު ކަމަށް ވާއިރު، ޤަރުނެއް ވާން ކައިރިވެފައިވާ ބަންޑާރަ މިސްކިތް ތަޅައިލުމަށް ސަރުކާރުން ނިންމި ނިންމުން އެއްގޮތަކަށްވެސް ބަލައި ނުގަންނަ ކަމުގައެވެ.
އާޒިމް ވިދާޅުވީ ބާޑަރަ މިސްކިތަކީ ދިވެހިންގެ ދީނާއި ސަޤާފަތާއި ތާރީޚު ދައްކުވައިދޭ މުހިއްމު ރަމްޒެއް ކަމުގައެވެ. އަދި ބަންޑާރަ މިސްކިތް ހުރި ހިސާބުގެ ގޮތުން، މާލެ ސިޓީއަށް ޒިޔާރަތްކުރާ މީހުންގެ މެދުގައި ވެސް، މި ބިނާ އަކީ ވަރަށް މަޤުބޫލު ތަނަކަށް ވެފައިވާކަމަށްވެސް އާޒިމް ވިދާޅުވިއެވެ.
”ބަންޑާރަ މިސްކިތް ތަޅައިލުމަކީ، ރާއްޖޭގެ ތާރީޚީ ބިނާތަކާއި ޘަޤާފީ ތަރިކަ ރައްކާތެރިކުރުމުގެ ޤާނޫނާ ވެސް ޚިލާފު ކަމަކަށް ވާތީ، ސަރުކާރުގެ މި ނިންމުން ބަދަލުކުރުމަށް އަޅުގަނޑު ގޮވައިލަން“ މާލެ ސިޓީގެ މޭޔާ އާދަމް އާޒިމް ވިދާޅުވިއެވެ.
