މަދީނާ އިސްލާމިކް ޔުނިވާސިޓީން ބާއްވާ ޚާއްސަ ކޮންފަރެންސެއްގައި ބައިވެރިވެލެއްވުމަށް އިސްލާމީ ކަންތައްތަކާއި އައުޤާފާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ސަޢުދީ ޢަރަބިއްޔާއަށް ފުރާވަޑައިގެންފިއެވެ.
މި ކޮންފަރެންސްއަކީ ”އެފޯޓް އޮފް ދި ކިންގްޑަމް އޮފް ސަޢުދީ ޢަރަބިއްޔާ އިން ކޮންފްރޮންޓިން އިންޓެލެކްޗުއަލް ޑިވިއޭޝަން“ މި ނަމުގައި މަދީނާ އިސްލާމިކް ޔުނިވާސިޓީން އިސްނަގައިގެން ބާއްވާ ޚާއްސަ ކޮންފަރެންސްއެކެވެ.
މި ކޮންފަރެންސްގައި އިސްލާމީކަންތައްތަކާއި އައުޤާފާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ތަޤްރީރު ކުރައްވާ ގޮތަށް ވަނީ ހަމަޖެހިފައެވެ.
މަދީނާ އިސްލާމިކް ޔުނިވާސިޓީން އިސްނަގައިގެން ބާއްވާ ޚާއްސަ މި ކޮންފަރެންސްގައި އެކިއެކި ޤައުމުތަކުން އިސްލާމީ ދިރާސާތަކުގެ މާހިރުންނާއި އިލްމީ މާހިރުން ބައިވެރިވެވަޑައިގަންނަވާނެއެވެ. މި ކޮންފަރެންސް ކުރިއަށްދާނީ މި ހިނގާ ސެޕްޓެމްބަރު މަހުގެ27 އިން 28 ގެ ނިޔަލަށް ކުރިއަށެވެ.
