އިންޑިޔާގެ ހޮސްޕިޓަލެއްގައި ކުޑަކުދިންގެ އައިސީޔޫއެއްގައި އަލިފާން ރޯވެ 4 ކުޑަކުދިން މަރުވެއްޖެއެވެ.
މިހާދިސާ ހިނގާފައިވަނީ ރޭ އިރާކޮޅުގެ ވަގުތެއްގައެވެ. އައިސީޔޫގައި އަލިފާން ރީވާން ދިމާވި ސަބަބެއް ނޭގޭ ކަމަށާއި އަލިފާން ރޯވުމާއެކު އައިސީޔޫގައިތިބި ކުޑަކުދިން ސަލާމަތް ކުރުމުގެ މަސައްކަތް ކުރެވުނު ކަމަށް އެހޮސްޕިޓަލާ ހަވާލާދީ ރިޕޯޓްތަކުގައި ބުނެފައިވެއެވެ.
ރިޕޯޓްތަކުގައި ބުނާގޮތުގައި އަލިފާނުގެ ހާދިސާއެއް ހިނގާފައިވަނީ އިންޑިއާގެ މަދްޔަ ޕްރަދޭޝްގެ ގޯޕާލް ސިޓީގެ ކަމަލާ ނެހްރޫ ހޮސްޕިޓަލްގެ ކުޑަކުދިންގެ އައިސީޔޫގައެވެ.
މިހާދިސާ ހިނގާދިޔައިރު އައިސީޔޫގައި 40 ކުޑަކުދިންނަށް ފަރުވާދެމުން ދިޔަ ކަމަށާއި އޭގެތެރެއިން 36 ކުދިން ސަލާމަތް ކުރެވުނުުއިރު ހަތަރު ކުއްޖަކު މަރުވެފައިވާ ކަމަށް ރިޕޯޓްތަކުގައި ބުނެފައިވެއެވެ. އަދި ސަލާމަތްކުރި ކުޑަކުދިންގެ ތެރެއިން ބައެއް ކުދިންނަށް ދުމުގެ އަސަރުުކޮށް ސީރިޔަސް އަނިޔާތަކެއް ލިބިފފައިވާއިރު ބައެއް ކުދިންގެ ގައިގެ ތަންތަން ފިހިފައިވާކަމަށް ރިޕޯޓްތަކުގައި ބުނެފައިވެއެވެ.
މީގެ ދެދުވަސް ކުރިންވެސް އިންޑިޔާގެ ހޮސްޕިތަލެއްގައި ވަނީ އަލިފާނުގެ ހާދިސާއެއް ހިނގާފައެވެ. މިހާދިސާ ހިނގާދިޔައީ ކޮވިޑް-19އަށް ފަރުވާ ހޯދަމުން ދިޔަ 17 މީހުން ތިބި ވޯޑެއްގައެވެ. އެހާދިސާގައިވެސް 11 މީހަކު ވަނީ މަރުވެފައެވެ.
މިހާދިސާތަކުގެ ތަހުޤީގު އިންޑިޔާގެ ކަމާއި ބެހޭ ފަރާތްތަކުން ދަނީ ކުރަމުންނެވެ.
