ގަތަރުގައި މިހާރު ކުރިޔަށްދާ ވޯލްޑްކަޕް ގައި ކުޅުނު ދެ މެޗުންވެސް މޮޅުވެ ބުރެޒިލް މުބާރާތުގެ ދެވަނަ ބުރަށް ދަތުރުކޮށްފިއެވެ.
ދުނިޔޭގެ ފުޓްބޯޅައިގެ ގަދަބާރު ބުރެޒިލް ދެވަނަ ބުރަށް ދަތުރުކުރީ ސްވިޒަލޭންޑުގެ މައްޗަށް 0-1 ން ކުރި ހޯދައިގެންނެވެ.
މެޗްގެ ފުރަތަމަ ހާފްގައި ގޯލެއް ފެނިގެން ނުދިޔަ ނަމަވެސް ވާދަވެރި ކުޅުމެއް ދެޓިމުގެ ފަރާތުންވެސް ފެނިގެން ދިޔައިރު ބުރެޒިލް އިން ވަނީ ގިނަ ހަމަލާތަކެއް ވެސް އުފައްދާފައެވެ. އެގޮތުން 27 ވަނަ މިނެޓްގައި ރަފީނިއާ ސްވިޒަލޭންޑްގެ އޭރިއާ ބޭރުން ހުރަސްކޮށްދިން ބޯޅަ ވިނީޝިއަސް ޖޫނިއާ ހުސްކޮށް ހުރެ ގޯލަށް ފޮނުވާލި ނަމަވެސް ސްވިޒަލޭންޑް ގެ ކީޕަރ ދިފާއުކުރިއެވެ.
ދެވަނަ ހާފް ފަށައިގެން ސްވިޒަލޭންޑު ގެ ކުޅުން ރަގަޅު ކޮށް ހަމަލާތަކެއް އުފެއްދޭތޯ މަސައްކަތްތަކެއް ކުރިނަމަވެސް ބުރެޒިލްގެ ޑިފެންޑަރ ލައިން ތެރެއިން ފޫއަޅުވާލެވުނީ މަދު ހަމަލާއެެކެވެ. އެ ހަމަލާތަކުންވެސް ގޯލެއް ކާމިޔާބު ކުރެވޭވަރެއްނިވިއެވެ.
ބުރެޒިލް އިން މެޗްގެ ލީޑްނެގީ 83 ވަނަ މިނެޓްގައެވެ. މިއީ ރޮޑްރޮގޯގެ ޕާހަކުން ކަސެމީރޯ ޖަހި މޮޅު ގޯލެކެވެ. މި ގޯލަށްފަހުވެސް ބުރެޒިލް އިންވަނީ ލީޑް ފުޅާކުރުމަށް ގިނަފުރުސަތުތަކެއް ހޯދާފައެވެ.
މި ނަތީޖާ އާއިއެކު ބުރެޒިލް ދެވަނަ ބުރަށް ދަތުރުކޮށްފައިވާއިރު މިއީ މި ޓީމް ވޯލްޑްކަޕްގެ ދެވަނަ ބުރަށް ދަތުރުކުރި 19 ވަނަ ފަހަރެވެ.
ބުރެޒިލް ހިމެނޭ ގުރޫޕް ޖީ އިން ދެވަނަ ބުރު އެޓީމް ކަށަވަރު ކުރިއިރު މި ގުރޫޕްގެ ދެވަނައިގައި 3 ޕޮއިންޓާއި އެކު އޮތީ ސްވިޒަލޭންޑުއެވެ. ތިންވަނައިގައި އޮތް ކެމެރޫން އަދި ފުލުގައި އޮތް ސާބިއާއަށް ލިބިފައިވަނީ އެންމެ ފޮއިންޓް އެކެވެ.
