ޢުމުރުން 36 އަހަރުގެ އަންހެނަކު ވީނުވީ ތަނެއް ނޭންގި އާއިލާއަށް ގެއްލިފައިވާތީ މި އަންހެން މީހާ ހޯދުމުގެ މަސައްކަތް ދިވެހިފުލުހުންގެ ޚިދުމަތުން ފައްޓަވައިފި އެވެ.
ފުލުހުން ހާމަކުރެއްވިގޮތުގައި ވީނުވީއެއް ނޭންގި އާއިލާއަށް ޚަބަރެއްނުވެގެން ފުލުހުންނަށް ރިޕޯޓް ކޯށްފައިވަނީ ދ.މީދޫ / ދުނބުރިމާގެ، (މިހާރު ދިރިއުޅޭ އެޑްރެސް: ވ. ލަކީސްޕޮޓް) މަރްޔަމް ރާމިޒާ (36އ) އެވެ.
ރާމިޒާ އާއިލާއަށް ޚަބަރެއްނުވެ ގެއްލިފައިވާ ކަމަށް 2024 ޖަނަވަރީ 24 ވަނަ ދުވަހުގެ 20:37 އެހައިކަންހާއިރު ފުލުހުންނަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ކުރަމުން ގެންދަވާ ކަމަށްވެސް ފުލުހުން ވިދާޅުވި އެވެ.
ފުލުހުން ވިދާޅުވީ މަރްޔަމް ރާމިޒާ އެންމެ ފަހުން އާއިލާއަށް ފެނިފައިވަނީ ޖަނަވަރީ މަހުގެ 23 ވަނަ ދުވަހުގެ 21:00 އެހައިކަންހާއިރު އޭނާ ދިރިއުޅޭ ގެއިން ކަމަށް އާއިލާއިން ފުލުހުންނަށް މައުލޫމާތުދީފައިވާކަމަށްވެސް ފުލުހުން ވިދާޅުވި އެވެ.
މަރްޔަމް ރާމިޒާގެ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން 3322111 އަށް ނުވަތަ ވިލިމާލެ ޕޮލިސް ސްޓޭޝަންގެ ނަމްބަރު 9833000 އަށް ގުޅުއްވައި މަޢޫލޫމާތު ހިއްސާކުރެއްވުމަށް ފުލުހުން ވަނީ އެދިލައްވާފަ އެވެ.
