ދަނގެތި ފަޅުގައިއޮތް ސަފާރީއަކުން މޫދަށް ފޭބި މީހަކު މަރުވެފައި އޮއްވައި ފެނިއްޖެ އެވެ.
ފުލުހުން ވިދާޅުވީ މިރޭ 10:30 ހާއިރު އދ.ދަނގެތި ފަޅުގައި އޮތް ”ބްލޫ ފޯސް 1“ ސަފާރީން މޫދަށް ފޭބި ރ.އިނގުރައިދޫ ވެސްޓް ބީޗް، މުމްތާޒް ހުސެއިން (32އ) ޚަބަރެއް ނުވެގެން ބެލި އިރު، ސަފާރީއާ ދިމާލު މޫދު އަޑީގައި އޮއްވައި ފެނިފައިވާ ކަމުގަ އެވެ. އަދި މުމްތާޒް މޫދުން ނެގިއިރު އެއްވެސް ހަރަަކާތެއް ނެތް ކަމަށް މަޢުލޫމާތު ލިބިފައިވާ ކަމަށްވެސް ފުލުހުން ވިދާޅުވި އެވެ.
ފުލުހުން ވިދާޅުވީ މުމްތާޒް އދ. ދަނގެތި ހެލްތު ސެންޓަރަށް ގެންދިޔަ އިރުވެސް މަރުވެފައިވާ ކަމުގަ އެވެ.
މި ހާދިސާއާ ގުޅިގެން އިތުރަށް ބަލަންޖެހޭ ކަންކަން ފުލުހުން އަންނަނީ ބަލަމުންނެވެ.
ދަނގެތި ފަޅުތެރެއަށް މޫދަށް ފޭބި މީހަކު މިރޭ މަރުވެފައިވާ އިރު، ގއ. ދެއްވަދޫ ކައިރިއަށް އެންދަމަން ފޭބި މީހަކު ވެސް މިއަދު ހަވީރު ވަނީ މަރުވެފައެވެ.
