ރަމަޝާން މަހު ފަހު 10 ގައި ވަޒީފާއަށް ނިކުންނަށް ޖެހޭ މުވައްޒަފުންނަށް އިނާޔަތް ދޭން ރައީސުލްޖުމްޙޫރިއްޔާ ޑރ މުހައްމަދު މުއިއްޒު ނިންމަވައިފިއެވެ.
މިކަން ހާމަކޮށްފައިވަނީ މިއަދު ފިނޭންސް މިނިސްޓްރީއިން ނެރުނު ސާކިއުލާއެއްގައި އެވެ.
އެގޮތުން އެސާކިއުލާގައި ވަނީ އިނާޔަތް ދޭނެ ގޮތާއި އިނާޔަތް ދޭނެ ފަރާތްތައް ހާމަކޮށްފައި އެވެ. އެ ސާކިއުލާގައި ބުނެފައިވާ ގޮތުގައި އިނާޔާތް ދޭން ވަނީ ދައުލަތުގެ އިދާރާތަކުގެ ރައްޔިތުންނަށް ކޮންމެހެން ދޭން ޖެހޭ ހިދުމަތްތައް ދިނުމަށްޓަކައި އެ އިދާރާއަކުން ކަނޑައަޅާގޮތެއްގެ މަތިން، އެ އިދާރާއިން މަސައްކަތަށް ނުކުންނަންޖެހޭނެ ކަމަށް ކަނޑައަޅާ މުވައްޒަފުންނަށް އެކަންޏެވެ.
މި އިނާޔާތް ދިނުމަށް ނިންމާފައިވަނީ އޭޕްރިލް މަހުގެ މުސާރައާއި އެކުގައި ކަމަށްވެސް ފިނޭންސް މިނިސްޓަރ މުހައްމަދު ޝަފީގް ސޮއިކޮށް ނެރެފައިވާ ސާކިއުލާގައި ވަނީ ބުނެފައި އެވެ.
