އިނގިރޭސި ޕްރިމިއާ ލީގުގައި ބްރައިޓަން އާއި ދެކޮޅަށް ކުޅުނު މެޗު ކާމިޔާބުކޮށް ތާވަލްގެ އެއްވަނައަށް ލިވަޕޫލުން ޖެހިލިއިރު، އާސެނަލް އަދި މެންޗެސްޓަރ ސިޓީ ބައްދަލު ކުރި މެޗު އެއްވަރުވެގެން ނިމިއްޖެއެވެ.
މިރޭ ކުޅުނު މެޗުގައި އާސެނަލް އަދި ސިޓީ މެޗު އެއްވެސް ޓީމަކަށް ލަނޑެއް ނުޖެހި 0-0 އިން އެއްވަރުވިއިރު، ބްރައިޓަންގެ މައްޗަށް ލިވަޕޫލުން ކުރި ހޯދީ 1-2 ގެ ނަތީޖާއިންނެވެ.
ރޭގެ މެޗަށް ނިކުތްއިރު، ލިވަޕޫލާއި އާސެނަލް ޕޮއިންޓުގެ ގޮތުން އޮތީ އެއްވަރުވެފައެވެ. ނަމަވެސް ރޭގެ މެޗުން ލިބުނު ތިން ޕޮއިންޓާއި އެކީ ލިވަޕޫލަށް ދެ ޕޮއިންޓުގެ ފަރަގަކާއި އެކީ ވަނީ ކުރި ލިބިގެން ވަނީ ތާވަލްގެ އެއްވަނަ ލިބިފައެވެ.
ލިވަޕޫލް އަދި ބްރައިޓަން ބައްދަލު ކުރި މެޗުން ލިވަޕޫލް ކުރި ހޯދީ ބްރައިޓަން ލަނޑެއް ޖަހާފަައި ވަނިކޮށް ފަހަތުން އަރައެވެ. މެޗުގެ ފުރަތަމަ ލަނޑު ބްރައިޓަން އަށް ވެލްބެކް ކާމިޔާބުކޮށްދިން ނަމަވެސް ލިވަޕޫލްގެ ޑިއާޒް ވަނީ މެޗުގެ ނަތީޖާ ހަމަހަމަ ކޮށްދީފައެވެ. ލިވަޕޫލް މޮޅުވި ލަނޑު އެ ޓީމަށް ކާމިޔާބު ކޮށްދިނީ މިސްރުގެ ފޯވާޑު މުހައްމަދު ސަލާހެވެ.
ރޭގެ މެޗުގައި މެންޗެސްޓަރ ސިޓީ އަދި އާސެނަލް އަށް ވެސް ވަނީ ލަނޑުޖަހަން ރަނގަޅު ފުރުސަތު ތަކެއް ލިބިފައެވެ. ނަމަވެސް އެއްވެސް ޓީމަކަށް ފުރުސަތުތަކުގެ ބޭނުން ހިފޭގޮތް ވަނީ ނުވެފައެވެ.
ރޭގެ މެޗުން ހޯދި މޮޅާއި އެކު މިހާރު ލިވަޕޫލު އޮތީ ކުޅުނު 29 މެޗުން 67 ޕޮއިންޓާއި އެކީ ތާވަލުގެ އެއްވަނައިގައެވެ. ދެވަނައިގައި އޮތް އާސެނަލަށް ލިބެނީ ކުޅުނު 29 މެޗުން 65 ޕޮއިންޓެވެ. ތިންވަނައިގައި އޮތް މެންޗެސްޓަރ ސިޓީއަށް 29 މެޗުން 64 ޕޮއިންޓު ލިބޭއިރު މި ތިން ޓީމުގެ މެދުގައި ’ލީގު ޓައިޓަލް‘ ގެ ވާދަވެރިކަން އަދިވެސް އެބައޮތެވެ.
