ރައްޔިތުންގެ އުއްމީދުތައް ޙާޞިލުކުރުމަށްޓަކައި ސަރުކާރު ކެންޑިޑޭޓުން އިންތިޚާބު ކުރުމަށް މަސައްކަތް ކޮށްދިނުމަށް އެދިވަޑައިގަންނަވާކަމުގައި ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވިދާޅުވެއްޖެ އެވެ. ރަ
އީސުލްޖުމްހޫރިއްޔާ މިހެން ވިދާޅުވީ މި މަހުގެ 21 ވަނަ ދުވަހު ބޭއްވުމަށް ހަމަޖެހިފައިވާ 20ވަނަ ރައްޔިތުންގެ މަޖިލީހުގެ އިންތިހާބުގައި ލ. ފޮނަދޫ ދާއިރާއަށް ޕީޕީއެމް/ޕީއެންސީގެ ޓިކެޓުގައި ވާދަކުރައްވާ އަބްދުއްރަހީމް ޢަބްދުﷲގެ ކެމްޕޭނު ބައްދަލުވުމެއްގައި ވާހަކަފުޅުދައްކަވަމުންނެވެ.
މި ރަސްމިއްޔާތުގައި ވާހަކަފުޅުދައްކަވަމުން ރައީސުލްޖުމްހޫރިއއްޔާ ވިދާޅުވީ ފޮނަދޫ ދާއިރާއަށް ބޭނުންވާ ތަރައްގީ ހޯދޭނީ، އަބްދުއްރަހީމް އަބްދުﷲ މަޖިލީހަށް އިންތިޚާބުކޮށްގެން ކަމަށާއި، ރައްޔިތުންގެ މަޖިލީހުގެ މެންބަރެއްގެ ކިބައިގައި ހުންނަން ޖެހޭ ސިފަތަކާއި ރައްޔިތުންނަށް ޚިދުމަތް ކުރުމުގެ ސިފަތައް ހުންނެވި އެއް ކެންޑިޑެޓަކީ އަބްދުއްރަހީމް ކަމުގަ އެވެ.
އެމަނިކުފާނު އެންމެ ބޮޑަށް ފަހުރުވެރިވާ ސިޔާސީ ބޭފުޅަކީ އަބްދުއްރަހީމް އަބްދުﷲ ކަމަށް ވިދާޅުވަމުން ރައީސް ވިދާޅުވީ އުއްމީދަކީ ފޮނަދޫ ދާއިރާއިން ފުރިހަމަ އަގުލަބިއްޔަތަކުން އަބްދުއްރަހީމް އިންތިހާބުކޮށް ދިނުންކަމަށެވެ.
ރައީސް ވިދާޅުވީ ސިޔާސީ މަސައްކަތުގައި ކުރިމަތިވެވަޑައިގެންނެވި ހުރިހާ ކަމެއްގައި އެންމެ ބޮޑު އެހީތެރިކަމެއް ދެއްވީ އަބްދުއްރަހީމް ކަމަށާއި އަދި އެންމެ ގާތުގައިވެސް ހުންނެވީ އަބްދުއްރަހީމް ކަމަށެވެ. 
ރައީސް ވިދާޅުވީ އެމަނިކުފާނު އެ ބޭފުޅަކަށް އެންމެ ބޮޑަށް ފަހުރުވެރިވާ ސިޔާސީ ބޭފުޅަކީ އަބްދުއްރަހީމްކަމަށާއި އެމަނިކުފާނު ފޮނަދޫ ދާއިރާގެ ގޮނޑިއަށް ހޮވައިދިނުމަކީ ކޮށްދެވޭ ވަރަށް މުހިންމު ކަމަކަށްވާނެކަމަށެވެ.
މަޖިލީސް އިންތިހާބު އޮންނަ ދުވަސް ގާތްވެފައިވާއިރު ރައީސް އެދިވަޑައިގެންނެވީ ކެމްޕޭނު މަސައްކަތް އިތުރު ހަރުފަތަކަށް ގެންގޮސް ދިނުމަށެވެ. ރައްޔިތުންގެ އުއްމީދުތައް ހާސިލުކުރުމަށްޓަކައި ސަރުކާރުގެ ކެންޑިޑޭޓުން އިންތިހާބު ކުރުމަށް ރައީސް އެދިވަޑައިގެންނެވިއެވެ.
