ވިހި ވަނަ ރައްޔިތުންގެ މަޖިލިސް އިންތިޚާބުގައި ނައިފަރު ދާއިރާއަށް ވާދަކުރައްވާ ހުރިހައި ކެންޑިޑޭޓުން ކެންޑިޑޭޓު ނަމްބަރު 1 ޙައްސާން ޢަލީފުޅު (ބާސް)އާއި ގުޅިވަޑައިގެން ބާސްއާއި އެކު މަސައްކަތްކޮށް ދެއްވުމަކީ މިވަގުތު ނައިފަރު ދާއިރާއަށާއި މުޅި ޤައުމަށްވެސް އޮތް އެންމެ ފައިދާބޮޑު ގޮތްކަމުގައި، ރައްޔިތުންގެ މަޖިލީހުގެ ނައިފަރުދާއިރާގެ ކުރީގެ މެމްބަރު އަދި މިހާރުގެ ފިޝަރީޒް މިނިސްޓަރ އަޙްމަދު ޝިޔާމް ވިދާޅުވެއްޖެ އެވެ. 
ރައްޔިތުންގެ މަޖިލިސް އިންތިޚާބު ފެށެން ދާދި ގާތްވެފައި ވަނިކޮށް ނައިފަރުގައި ބޭއްވި ބާސްގެ ކެމްޕެއިން ޖަލްސާއެއްގައި ވާހަކަފުޅު ދައްކަވަމުން މިނިސްޓަރ ޝިޔާމް ވިދާޅުވީ ވަކި ކުލައަކަށް އަދި ވަކި ފިކުރަކަށް ބެލުމެއްނެތި ނައިފަރުދާއިރާއަށް ވާދަކުރައްވާ ހުރިހައި ކެންޑިޑޭޓުންވެސް އަތުކުރި އޮޅާލައި، ފޫގަޅައިގެން ވަޑައިގެން ބާސްއާއި ގުޅިވަޑައިގަތުމަކީ ނައިފަރުދާއިރާއަށް އޮތް އެންމެ ރަނގަޅު ގޮތް ކަމުގައެވެ/
ޝިޔާމް ވިދާޅުވީ އެމަނިކުފާނުގެ ހިތުގައި ނައިފަރުދާއިރާގެ އެއްވެސް ރައްޔިތަކާއިމެދު އެއްވެސް ހަސަދަވެރިކަމެއް އަދި އެއްވެސް ޒާތީކަމެއް ދުވަހަކުވެސް ނޯންނާނެކަމަށާއި، އެމަނިކުފާނުގެ އެދުމަކީ ނައިފަރަށާއި ނައިފަރުދާއިރާގެ ލޮބުވެތި ރައްޔިތުންނަށް ކުރިއެރުން ލިބުންކަމުގައެވެ.
ޝިޔާމް ވިދާޅުވީ ނައިފަރުދާއިރާގެ ތަރައްޤީއަށްޓަކައި ލިބިފައިމިފާ ރަނުގެ ފުރުޞަތު ދުކޮށްނުލައްވައި ބާސްއާއި ގުޅިވަޑައިގެން ނައިފަރު ދާއިރާއަށްޓަކައި، ތަރައްޤީއަށްޓަކައި މަސައްކަތް ކޮށްދިނުމަކީ ނައިފަރުދާއިރާގެ ލޮބުވެތި ރައްޔިތުންނަށް އެމަނިކުފާނު ކުރައްވާ އިލްތިމާސެއް ކަމުގައިވެސް މިނިސްޓަރ ޝިޔާމް ވިދާޅުވި އެވެ.
މިނިސްޓަރ ވިދާޅުވި ފަދައިން ރާއްޖޭގެ ކަންކޮޅުތަކުގައި ރައްޔިތުންގެ މަޖިލިސް އިންތިޚާބުގެ ފޯރިގަދަވެފައިވާ މި ދަނޑިވަޅުގައި ބުއްދީގެ ބޭނުން ހިފައި ވޯޓު ދޭން ތިއްބެވި ހުރިހައި ރައްޔިތުންވެސް ވޯޓު ކަރުދާހުގައި ފާހަގަ ޖެހުމުގެ ކުރިން ދާއިރާއަށާއި ގަޢުމާއި ވަޠަނަށް އެންމެ ލާބަޔާއި މަންފާކުރާނީ ކޮން ގޮތެއްތޯ ވިސްނައިވަޑައިގެން އެގޮތަކަށް ވޯޓުދެއްވުމަކީ އެންމެ ބުއްދިވެރި ގޮތެވެ.
ކޮންމެ ދާއިރާއަކަށް އެތައް ކެންޑިޑޭޓަކު ވާދަކުރައްވާ މި އިންތިޚަބުގައި ދާއިރާއަށާއި، ޤަޢުމާއި ވަޠަނަށް އެންމެ ލާބަޔާއި މަންފާ ކުރާނީ، ސަރުކާރު ކެންޑިޑޭޓަކު ހޮވައިގެންތޯ ނުވަތަ އަމިއްލަގޮތުން ވާދަކުރާ ބޭފުޅަކު ހޮވައިގެންތޯ ނޫނީ ސަރުކާރާއި އިދިކޮޅު ކެންޑިޑޭޓަކު އިންތިޚާބު ކުރުންތޯވެސް ކަރުދާސްކޮޅުގައި ފާހަގަ ޖެހުމުގެ ކުރިން ރަނގަޅަށް ވިސްނައި ދިރާސާކޮށް ނިންމަން ވާނެއެވެ.
ދަންނަވަންތޯއެވެ؟ ރައްޔިތުންގެ މަޖިލީހުގައި ނައިފަރު ދާއިރާ ތަމްސީލުކުރުމަށް ދާއިރާގެ ރައްޔިތުން މިއަދު ބޭނުންވަނީ ހިތްހެޔޮ، ހިތްތިރި، ތެދުވެރި، އަމާނާތްތެރި، އަދި ދާއިރާގެ އަޑުއަހައި އިއްވައިދެވޭ ފެންވަރުގެ ލަޔާގަތާއި ޤާބިލްކަންހުރި ހުނަރުވެރި ޒުވާން ބާސް ކަން ކަށަވަރެވެ.
މި ދެންނެވި ހުރިހައި ޝަރުޠެއް ފުރިހަވާ ހަމައެކަނި ކެންޑިޑޭޓަކީވެސް ޕީއެންސީ ޓިކެޓުގައި މިދާއިރާއަށް ވާދަކުރައްވާ ކެންޑިޑޭޓު ނަމްބަރު 1 ބާސް ނޫން ދެވަނަ ފަރާތަކަށް ނުވާނެކަންވެސް ނައިފަރުދާއިރާގެ ލޮބުވެތިރައްޔިތުން އުފަލާއި އެކު ޤަބޫލުކުރައްވާނެކަން ޔަޤީނެވެ.
